Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Berisha: Raporti i Parlamentit Europian e cilëson zgjedhjet në Shqipëri si problematike

Politiko 6 Maj 2026, 14:10

Berisha: Raporti i Parlamentit Europian e cilëson zgjedhjet në

Kreu i Partisë Demokratike, Sali Berisha, ka reaguar mbi raportin e Parlamentit Europian për Shqipërinë, duke e cilësuar atë si “formulimin më ligjor dhe më të drejtë të farsës elektorale në vend”.

Në një deklaratë për mediat, Berisha u shpreh kritik ndaj mënyrës se si, sipas tij, mediat pranë qeverisë trajtojnë raportin, duke i akuzuar për censurë dhe interpretim të pjesshëm të përmbajtjes së tij.

Ai theksoi se raporti, sipas tij, nënvizon rëndësinë e reformave të thella dhe të qëndrueshme në procesin e integrimit europian, duke e lidhur progresin e Shqipërisë me zbatimin real të standardeve të sundimit të ligjit dhe funksionimit të institucioneve demokratike.

Berisha iu referua gjithashtu pjesëve të raportit që lidhen me procesin zgjedhor, duke pretenduar se dokumenti evidenton probleme si “fushë e pabarabartë loje”, përdorim i burimeve administrative dhe shqetësime për financimin e partive politike dhe presion mbi votuesit.

Sipas tij, raporti kërkon përmirësime në kuadrin zgjedhor, përfshirë transparencën e financimeve elektorale dhe garantimin e barazisë në media gjatë fushatave.

“Ky është formulimi më ligjor dhe më i drejtë i farsës elektorale në Shqipëri”, u shpreh Berisha, duke iu referuar përmbajtjes së raportit.

PJESE NGA FJALA

Meqenëse censura është ligji i medieve të kontrolluara nga qeveria, do kërkoj dhe mirëkuptimin tuaj që ta ekspozojnë pjesët kryesore të këtij raporti për publikun shqiptar, se përndryshe ky mbetet i fshehur.

Mediet e kontrolluara nga qeveria ose lexojnë çerek rreshti dhe bëjnë gjithçka për ta relativizuar, për ta interpretuar sipas oreksit të tyre dhe këto janë të papranueshme.
Raporti fillon që në hyrje me standardin europain.
Duke qenë se besueshmëria e procesit të zgjerimit varet, thotë raporti, nga kushtëzimi i rreptë, progresi i bazuar në meritë dhe zbatimi efektiv i reformave në vend, vetëm miratimi formal i legjislacionit nuk shërben duke qenë se anëtarësimi i Shqipërisë në BE varet nga reforma të qëndrueshme, të thella dhe të pakthyeshme në çështje themelore, duke filluar me sundimin e ligjit dhe funksionimin e institucioneve demokratike, duke qenë se cila e reformave të nevojshme të një vendi përcakton afatin kohor për anëtarësim.
Pra, raporti tregon se gënjeshtrat, lobingjet e korruptuara nuk pinë ujë.
Shqipëria duhet të performojë, duhet të zbatojë reformat, ligjet, Kushtetutën.
Lidhjet e qarta midis reformave dhe afatit kohor të anëtarësimit është bërthama ligjore dhe politike e të gjithë këtij dokumenti.
Një. Demokracia dhe reforma zgjedhore. Kuadri zgjedhor.
Të gjithë spekulantët, avoketërit e farsës elektorale që përdornin termin kompetitiv si një avantazh të madh, për të bërë avokatinë e farsës, bien në dëshpërim të thellë sepse teksti i raporti qartëson si drita e diellit.
Çfarë thotë?
Ndërsa Komisioni dhe OSBE/ODIHR e vlerësojnë kuadrin ligjor zgjedhor të Shqipërisë si përgjithësisht të përshtatshëm për zgjedhje kompetitive, pra kuadri ligjor lejon zgjedhje kompetitive, dhe jo se zgjedhjet ishin kompetitive, është një ridimensiom i fortë.
Sigurisht fjala kompetitive do të thotë shumë kandidatura, por ka edhe pjesën tjetër që në garë duhet të jesh i barabartë dhe pikërisht për këtë arsye është bërë një riformulim i kompetitivitetit.
Raporti identifikon dështime të vazhdueshme, fushë të pabarabartë loje, keqpërdorim të burimeve administrative që shuajnë linjën e ndarjes midis institucioneve shtetërore, e zbërthejnë fjalën shtet këtu, dhe zbërthejnë edhe fjalën parti, strukturave të partisë.
Pra ka një shkrirje midis institucioneve dhe strukturave të partisë në zgjedhje.
Financimi i partive politike. Pretendimet për blerje votash dhe presion mbi votuesit.
Me këtë, Komisioni i Jashtëm tregon se çfarë ishin zgjedhjet në Shqipëri për këtë komision.
Dhe kërkon reforma për të forcuar kuadrin zgjedhor, duke përfshirë transparencën e financimit të fushatave, eksesin e barabartë në media.
Imagjinoni, 90 përqind të medieve të kontrolluara nga qeveria.
Garancitë kundër keqpërdorimit të burimeve administrative dhe zbatimin efektiv të këtyre garancive.
Mendoj se ky është formulimi më ligjor, më i drejtë i farsës elektorale në Shqipëri.

ZYRA E MEDIAS DHE KOMUNIKIMIT, PARTIA DEMOKRATIKE

Të fundit