Flash News

Misteri i vrasjes së Renis Dobrës, zbardhen dy pistat kryesore të hetimit

Ultimatumi i Ramës: Të hënën, të gjithë kryetarët e njësive administrative të jenë të shkarkuar

Zjarret në vend, 4 vatra zjarri ende aktive, si paraqitet situata

Rama shënjestron sërish prokuroren Shkodrës: Gjeli hartoi ese filozofike me pafajësinë e ndërtimit pa leje

I shpallur në kërkim për vjedhje, arrestohet 26-vjeçari në Durrës

Ditari i Opozitës

Berisha thirrje qytetarëve: Të hënën në 18:00, të gjithë marshim në Tiranë për të drejtat tona themelore

Politiko 4 Tetor 2024, 13:04

Berisha thirrje qytetarëve: Të hënën në 18:00, të

Lideri i opozitës, Sali Berisha ka zhvilluar një konferencë me gazetarët.

Berisha iu drejtua shqiptarëve me thirrjen për t’iu bashkuar protestës së 7 tetorit, si një marshim për të drejtat themelore të të gjithë qytetarëve.

Kryedemokrati u shpreh se Rama ka instaluar në Shqipërisë autokracinë, ndaj duhet të veprohet për një qeveri teknike, kundër dhunës ndaj opozitës dhe vjedhjeve që po i bëhet popullit.

“Së pari, dua të përsëris edhe njëherë thirrjen time dhe të PD për çdo demokrate e demokrat, për çdo opozitare e opozitar të vërtetë, për çdo qytetare dhe qytetar shqiptar, që beson tek vota e lirë, që beson se vullneti i tij duhet të respektohet, që beson tek Kushtetuta dhe shteti ligjor, që beson se Edi Rama në të gjithë qenien e tij është një armik i egër i votës së lirë.

Është një armik i egër i shtetit ligjor dhe demokracisë.

Se ai ka instaluar në Shqipëri autokracinë elektorale, në të cilën me industrinë e blerjes së votës, me shtetin e tij elektoral, me makinerinë gjigante të frikësimit të zgjedhësve, kontrollon njëlloj si në diktaturat ideologjike, vullnetin e qytetarëve shqiptarë.

Thirrja ime është, ditën e hënë, në ora 18:00, të gjithë marshim në Tiranë për të drejtat tona më themelore.

Për një qeveri teknike dhe zgjedhje të drejta.

Kundër dhunës ndaj opozitës dhe arrestimeve politike.

Kundër vjedhjeve të pashembullta në historinë e këtij vendi nga personalisht Edi Rama dhe klani i tij kriminal.

Kundër narkoshtetit që ka shndërruar Shqipërinë në protektorat të mafies më të keqe të Europës”, deklaroi Berisha.

Të fundit