Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Çështja ‘McGonigal’, Noka: Rama nuk do gjejë paqe as në shtëpi, as në seli

Politiko 16 Shkurt 2023, 21:46

Çështja ‘McGonigal’, Noka: Rama nuk do gjejë paqe

Sekretari i Përgjithshëm i PD, njëherësh deputeti Flamur Noka thotë se skandali McGonigal tregoi se kryeministri Edi Rama prej vitesh kishte synim shkatërrimin e opozitës dhe vendit, e më pas sundimin me një qeverisje moniste.

I ftuar në studion e emisionit “Open” në News24 , Noka shton se në këtë rast Rama tentoi që të vriste opozitën me pagesë me anë të lidhjeve me ish-agjentin e FBI-së, Charles McGonigal.

“Do të thotë që ky skandal, Rama-McGonigal tregoi atë që kishim bërë me dije prej vitesh por që shumëkush ishte skeptik që Edi Rama kishte 9 vite që nuk kishte synim qeverisjen por sundimin dhe rrënimin e këtij vendi. Tani ky skandal e nxori zbuluar. Ne tani nuk do reshtim, kemi thënë revolucion. Revolucioni është lëvizje, është revolt.

 Revolucioni demokratik zgjat në kohë deri në arritjen e synimeve. Të gjithë mediat botërore kanë bërë alarm se u kap një kryeministër duke korruptuar një titullar të agjencisë kryesore ligj zbatuese të SHBA-së, për të likuiduar opozitën.
Ne të vendosur përballë një situate të tillë do reagojmë. U faktua që jemi para tentativës me pagesë për të na vrarë politikisht. Nuk ka asgjë që na ndalon nga largimi i këtij bastardi. Ai donte të na vriste, të na shuante.

Donte të mbretëronte me monizëm. Edhe pse ka dalë zbuluar ai prapë vazhdon skenarin e tij përmes pengmarrjes së logos duke ia dhënë atë një kufome. As Kina e as Rusia nuk kishin arritur të godisnin në zemër një nga shtyllat e SHBA-ve.
Ne kemi kërkuar një gjë të thjeshtë, kur ndodh një skandal në një qeveri demokratike duhet që minimalisht të dorëhiqet. Kanë ndodhur dorëheqje për mini-incidente ndërsa këtu ku ka alarm nga e gjithë bota nuk kemi reagim.

Ishte ky zotëri që doli dhe tha ta harrojmë komisionin hetimor për të. I tha kukullës së tij në kuvend, barbi, se dhe flokët i ka ashtu. Ai tregoi atë që kemi thënë gjithmonë që në këtë shtet nuk ka qeveri por ka regjim. Një regjim më i keq se diktatura e dikurshme. Ai nuk do gjejë paqe as te shtëpia, as te selia, askund. Atë e pret një protestë në këto momente që flasim aty ku po jep intervistë. Ky njeri nuk mund të përfaqësojë më shqiptarët. Në vend që të punojë për të mëkëmbur këtë vend ai punon për ta shkatërruar atë”, tha ai.

 

Të fundit