Flash News

Mbaron numërimi në qarkun e Kukësit, PD fiton 2 mandate

Egnatia shpallet kampione e Shqipërisë, i shuan ëndrrën 24-vjeçare Vllaznisë

PD kryeson në Kavajë ndaj PS

Financial Times / Rama fiton mandatin e katërt: rrezikohet krijimi i një pluralizmi kozmetik

As PS, as PD/ Në Vaun e Dejës forcë e parë shpallet partia e Tom Doshit

Ditari i Opozitës

Çfarë pritet të ndodhë në 11 shkurt? Ristani tregon kauzën dhe pritshmëritë e PD-së

Politiko 1 Shkurt 2023, 18:12

Çfarë pritet të ndodhë në 11 shkurt? Ristani tregon

Ish-deputeti demokrat, Arben Ristani thotë se situata e vështirë në të cilën ndodhet vendi, si nga ana ekonomike, sociale, por edhe institucionale, shërben si kauzë që shqiptarët të protestojnë më 11 shkurt.

Në një intervistë për Euronews Albania, Ristani u shpreh se keqqeverisja, kulmoi me rastin e fundit të ish-zyrtarit të FBI-së, Charles McGonigal, ku opozita pretendon se ai është korruptuar nga kryeministri Edi Rama.

 “Kauza e protestës ka të bëjë me keqqeverisjen. Keqqeverisja është e shumëanshme, në shumë plane, por keqqeverisja kulmoi me atë që është cilësuar nga Partia Demokratike, nga shqiptarët, por edhe nga personalitetet amerikane, si një thikë në zemër të marrëdhënieve diplomatike midis Shqipërisë dhe SHBA-ve, pra rasti i fundit i agjentit të FBI-së dhe korruptimit të tij nga kryeministri Rama. Kjo është pika e vlimit, kjo është qershia mbi tortë, sepse shkaqet për të protestuar janë të shumta.

Si kryesore, unë do të përmendja prishjen e sistemit demokratik në Shqipëri, mosfunksionimin e institicioneve, gjë që ka sjellë shtim të varfërisë, shtim të korrupsionit, largim të shqiptarëve nga Shqipëria. Pra, është e gjithë tabloja në të cilën ne jetojmë, si kauzë për një protestë. Ajo që ne presim nga protesta, është që zemërimi i shqiptarëve të jetë i shtuar në atë masë sa protesta të jetë e atillë që të krijojë kushtet për largimin e kryeministrit Rama nga qeveria”, theksoi ai.

 

 

Të fundit