Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Felaj i fik dritat Kuvendit, Berisha: E bëri një grup grangsterësh, betejën e kemi detyrim ndaj qytetarëve

Politiko 19 Tetor 2023, 10:59

Felaj i fik dritat Kuvendit, Berisha: E bëri një grup

Opozita bllokoi sot seancën plenare të Kuvendit, pas përjashtimeve dhe rrëzimit të komisioneve parlamentare. Deputetët demokratë nuk lejuan ministrat të uleshin në karriget e tyre.

Zv.kryeparlamentarja Ermonela Felaj njoftoi shtyrjen e seancës plenare. Pas largimit nga salla të mazhorancës, kryedemokrati Sali Berisha mori fjalën, Kuvendi i ndërpreu energjinë elektrike, në përpjekje për të mohuar fjalën e opozitës.

Berisha teksa foli “live” nga Facebook-u i tij, tha se dritat u hoqën nga një grup gangsterësh të cilët opozita do t’i luftojë si një detyrim ndaj qytetarëve. Ai tha se kjo është dita e parë e betejës së opozitës.

“Siç e shihni, si një grup gangsterësh dhe jo parlamentarësh, fikën dritat dhe u larguan. Por natyrisht me këtë akt dëshmuan edhe njëherë se çfarë përfaqësojnë. Në parlament ju garantoj se do të zhvillohet një nga betejat më të fuqishme në historinë e demokracisë shqiptare, e cila sot është një fiktivitet.

Kurrë në 32 vite, nuk i është caktuar përfaqësuesi i opozitës në komisionin e reformës zgjedhore.

Për herë të parë, Edi Rama, në traditën më të egër të etërve të tij xhelatë, mori përsipër duke gjetur një peng, të keqpërdorë atë në mënyrë ekstreme dhe ta paraqesë si përfaqësues të opozitës në reformën elektorale, në një kohë kur ai nuk përfaqëson gjë tjetër veçse interesat e tij më të ngushta, më të dyshimta dhe më kriminale.

Kjo është dita e parë e betejës sonë, në këtë betejë e kemi detyrim ndaj jush.

Ju, me kurajën votuat kundër qeverisë. Kundër një qeverie e cila ka rekordet më të zeza në vjedhjen, varfërimin dhe mjerimin e shqiptarëve. Ka rekordet më të zeza në lidhje me krimin dhe drogën. Ka rekordet më të zeza në pasurimin e kryeministrit, ministrave dhe familjarëve të tyre me pasuritë publike dhe fondet e buxhetit të shtetit. Ka rekordet më të zeza me lidhjet me grupet e drogës nga Sinaloa e Meksikës që sot është kryekarteli i botës te grupet në Ekuador dhe në vende të tjera. ka rekordet më të zeza në liritë dhe të drejtat e qytetarëve, dhunimin masiv të votës”, deklaroi Berisha.

Të fundit