Flash News

Mbaron numërimi në qarkun e Kukësit, PD fiton 2 mandate

Egnatia shpallet kampione e Shqipërisë, i shuan ëndrrën 24-vjeçare Vllaznisë

PD kryeson në Kavajë ndaj PS

Financial Times / Rama fiton mandatin e katërt: rrezikohet krijimi i një pluralizmi kozmetik

As PS, as PD/ Në Vaun e Dejës forcë e parë shpallet partia e Tom Doshit

Ditari i Opozitës

Komisioni hetimor për 'McGonigal', Berisha: Do vendosim lidhje edhe me Kongresin e SHBA

Politiko 3 Shkurt 2023, 12:34

Komisioni hetimor për 'McGonigal', Berisha: Do vendosim lidhje

Kreu i PD, Sali Berisha foli për gazetarët pas pasi u depozitua në parlament kërkesa për hetim parlamentar, e firmosur nga 43 deputetë të PD lidhur me skandalin McGonigal.

Berisha tha se Komisioni do japë një kontribut të madh në hetimin e këtij problemi dhe se gjetjet e tij do ia përcjellë autoriteteve të SHBA.  

Berisha: Largimi i Edi Ramës është një kusht, është një domosdoshmëri jetike për vendin.

Edi Rama nuk njeh gjuhë tjetër veç frikës. Populli do i tregojë frikën. Ai nuk mund të qëndrojë më. Ai ka turpëruar çdo shqiptar. I ka futur thikë pas shpine, në fushën më sensitive, partnerit kryesor të Shqipërisë dhe kryeaksionerit, liderit në fushën e paqes dhe sigurisë botërore.

Edi Rama nuk mund të qëndrojë duke mohuar dhe duke mashtruar shqiptarët se nuk ka lidhje me mua. Nuk mund të mohojë kur emri i tij është 14 herë në aktpadi.

Ndërkohë u depozitua në parlament kërkesa për hetim parlamentar, e firmosur nga 43 deputetë. Ata kanë deklaruar se nuk do e pranojnë, por i garantoj shqiptarët se komisioni do ngrihet dhe Edi Rama do largohet nga pushteti.

Komisioni do japë një kontribut të madh në hetimin e këtij problemi. Gjetjet e tij do ia përcjellë autoriteteve të SHBA. Sikundër komisioni do të përpiqet, në rrugë zyrtare, të vendosë lidhje edhe me komisionin e Kongresit të SHBA, për të hetuar me gjetje dhe fakte të shumta.

Këtu McGonigal është përdorur nga Edi Rama për qëllime nga më të ndryshmet. Duhet të saktësohet se çfarë arsye kanë pasur takimet e tij me SPAK-un e partisë, çfarë kërkesash ka shtruar McGonigal në SPAK-un e partisë ndaj kundërshtarëve të Edi Ramës? Kush e shoqëronte atë? Cilat janë lidhjet?

Komisioni hetimor parlamentar është jetik për Shqipërinë. Kjo është një ngjarje nga më të rëndat në historinë e vendit.

Të fundit