Flash News

Plagoset me thikë 19-vjeçari te ‘Komuna e Parisit’ në Tiranë

Investigimi/ Konçesionari shkakton masakër mjedisore në portin e Durrësit, shteti i pafuqishëm për të vepruar

Vetëqëllohet me thikë 33-vjeçari në Elbasan, humb jetën në spital

Të shtëna me armë zjarri në qendër të Kavajës, plagoset një person

Reagon kandidati i Alibeajt: Pse hoqa dorë nga gara për bashkinë e Librazhdit

Ditari i Opozitës

Meta i bashkohet PD: Të gjithë në protestë më 11 shkurt, largimi i Ramës është jetik

Politiko 1 Shkurt 2023, 14:38

Meta i bashkohet PD: Të gjithë në protestë më 11

Kryetari i PL-së, Ilir Meta ka konfirmuar bashkimin me PD-në në protestën e 11 shkurtit. Ai iu ka bër thirrje qytetarëve të ngrihen kundër regjimit të Ramës për ta larguar nga pushteti.

Meta bëri fajtor Ramën për largimin e të rinjve nga vendi, korrupsionin e lartë, etj. Më tej theksoi se kreu i qeverisë korruptoi ish-agjentin e FBI për të dëmtuar opozitën.

“Sot është jetike dhe vendimtare largimi i tij, si armiku më i egër i lirive dhe të drejtave të shqiptarëve, i shtetit ligjor dhe demokracisë në vend.

Edi Rama është i provuar botërisht se me paratë e korrupsionit ka financuar trafikun e influencës dhe ka shfrytëzuar postin e tij për të mbajtur në mënyrë të paligjshme dhe mafioze pushtetin, duke korruptuar deri edhe një ish-zyrtar të lartë të FBI dhe kompromentuar rëndë marrëdhëniet me SHBA, që për të kanë qenë gjithmonë marrëdhënie aferash dhe jo vlerash.

Ndaj i ftojmë të gjithë shqiptarët të bashkohen në 11 shkurt, në ora 12:00 në një protestë kombëtare kundër këtij regjimi që sillet ndaj shqiptarëve në mënyrën më ç’njerëzore duke i vjedhur ata në mënyrë të pamëshirë dhe duke i përzënë nga vendi i tyre përmes një axhende antikombëtare shpopullimi.

Opozita do të jetë në këmbë kundër këtij armiku të lirive të tyre deri në largimin përfundimtar të këtij regjimi mafioz dhe të korruptuar në çdo qelizë”, tha Meta.

Të fundit