PD denoncon: Si drejtori i ARRSH ka lidhur kontrata publike me institucione shtetërore kur drejtonte prokurimet

Zëdhënësja e Antikorrupsionit në PD, Genta Vangjeli ka denoncuar me dokumente dhe fakte se si Evis Berberi, në kohën kur drejtonte prokurimet, lidhte kontrata dhe para publike me konpaninë e tij private “DAAM” sh.p.k.

Në një deklaratë nga selia blu, Vangjeli tha se Berberi tenderat i ka përdorur edhe për të qerasur me kafe milionëshe kompaninë e tij. Sipas saj, kompania e Berbeit ka përfituar nga dhjetori 2017 deri në qershor 2023, 202 milion lekë fonde publike nga disa bashki të vendit.

“Në datën 31 Janar 2019 Evis Berberi shet 100% të aksioneve të shoqërisë DAAM shpk kundrejt vlerës 500 mijë euro. Referuar kontratës së shitjes së kuotave, 8 mijë euro u paguan jashtë zyrës noteriale nga blerësi në favor të Evis Berberit, ndërsa pjesa tjetër do paguhej e ndarë në këste kundrejt vlerës 100 mijë euro për cdo vit.

DAAM shpk, ka përfituar, nga dhjetori 2017 deri në qershor 2023, 202 milion lekë fonde publike nga Bashkitë Tiranë, Prrenjas, Librazhd, Elbasan, Ersekë, Kamëz, Shijak, Lezhë, Pukë, Cërrik, Klos, Ministria e Turizmit dhe Mjedisit, Drejtoria e Përgjithshme e Policisë së Shtetit, Drejtoria e Përgjithshme e Doganave, Agjencia Kombëtare e Bregdetit, INSTAT, Spitali Korcë, Universiteti Bujqësor etj.

21 pagesa nga këto më lart në vlerën 81 milion lekë janëpaguar në favor të kompanisë së Berberit gjatë kohës që ai rezulton zyrtarisht pronar i shoqërisë tregtare dhe njëkohësisht mban detyrë publike si drejtues”, deklaroi Vangjeli.

Zëdhënësja e Antikorrupsion it në PD thotë se nga pagat që Berberi ka deklaruar nuk rezulon asnjë e dhënë për shitjen e kompanisë.

“Pranë ILDKPI në 5 Mars 2019 Evis Berberi ka deklaruar ndër të tjera:

-Pagën nga pozicioni si administrator i shoqërisë DAAM shpk

-Pagën nga pozicioni i punës si drejtues teknik pranë shoqërisë Bvaal engineering shpk. Vini re: që prej 3 Prill 2019 e në vijim kjo kompani quhet NET GROUP shpk; PRA, EVIS BERBERI DEKLARON PUNËSIMIN E TIJ SI DREJTUES  TEKNIK NËSHOQËRINË NET GROUP;

Pranë ILDKPI në 6 Mars 2020; 31 Mars 2021; dhe 09 Prill 2021 Evis Berberi ka deklaruar ndër të tjera:

-Pagën si këshilltar në ministrinë e infrastrukturës dhe energjisë;

-Pagë si antar bordi në Institutin e Ndërtimit;

-Pagë si kryetar i Bordit të Albpetrol;

-Pagë si anëtar bordi në Autoritetin Portual Durrës.

Të ardhura të përfituara nga bashkëshortja si rezultat ikontratës së dhënies së tokës me qira e lidhur me kompaninë BANKERS.

Në asnjë nga formularët e mësipërm nuk ekziston asnjë e dhënë për deklarimin e shitjes së kompanisë Daam shpk, por vetëm të ardhura nga 4 lloje pagash, apartamente të blera nga kursime të familjes, 9204 m2 tokë arë në Fier në pronësi të bashkëshortesm përfituara nga ligji 7501 sipas deklarimit si rezultat i trashëgimisë, apartamente të lëna me trashëgimi apo dhe nga kursimet familjare.

Fshehja e të ardhurave me qëllim pagimin e një detyrimi tatimor mbi mbi 8 milion lekë ,denohet me burgim 4 deri 8 vjet sipas Ligji nr.7895, datë 27 Janar 1995, Kodi Penal i RSH i ndryshuar”, deklaroi Vangjeli.

Partia Demokratike kërkon dorëheqjen e menjëhershme dhe të parevokueshme të Evis Berberit, pasi ai është në shkelje të ligjit, sic janë të tillë edhe institucionet që kanë disbursuar fonde dhe kontrata për kompanitë e lidhura me të.

   

Dokumenta bashkëngjitur