Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

“Qindra milionë të vjedhura me djegësat”, Berisha tregon pse Veliaj ka 3 vjet që nuk takon dot qytetarët

Politiko 7 Shkurt 2023, 20:11

“Qindra milionë të vjedhura me djegësat”, Berisha

Kreu i PD, Sali Berisha shprehet në një takim me të rinjtë e FRPD-së se kryebashkiaku i Tiranës, Erion Veliaj prej tre vitesh nuk takohet dot me qytetarët.

Sipas tij, Veliaj i mbledh nëpër salla apo zyrat e bashkisë me përzgjedhje personat që shfaqen në takimet e tij.

Berisha shton se ai ka 6 vite që vjedh për çdo ton mbetje që krijohet në qarkun e Tiranës.

Berisha: Edi Rama, po vret me regjimin e tij shpresën tek shqiptarët. Unë ju garantoj ju se edhe keni dalë dhe do të dilni e të shifni, por vend më të begatë dhe me pasuri përrallore se ky vend, nuk do të gjeni kurrë. Kudo që të shkoni. Megjithatë ky vend nga Edi Rama dhe regjimi i tij është shndërruar  në një tokë të mallkuar.

Pasuritë e tij janë shndërruar në një mallkim për qytetarët shqiptarë. Fondet e buxhetit të tij, në një ndëshkim për qytetarët shqiptarë. E gjitha kjo, sepse ky grup kriminal që qeveris sot me në krye Edi Ramën, nuk ka asnjë interes tjetër, as kombëtar, as shoqëror, as social, përveç se interesit të pushtetit dhe pasurimit të tyre. Pikërisht për këtë arsye, këta vjedhin në 9 muaj 1.1 miliardë euro.

Ai skandali që ka shpërthyer i Klosit është vetëm një simbol i asaj sa vjedhin këta. Do tu jap një shembull të freskët. Ju keni një person kryetar bashkie, i cili ka 3 vjet që nuk takon dot qytetarët,  por i mbledh nëpër salla apo zyrat e bashkisë me përzgjedhje. Por ka 6 vite që vjedh për çdo ton mbetje që krijohet në qarkun e Tiranës, 18 euro fut në xhep duke ua marrë qytetarëve shqiptarë. I tarifon sikur digjen, nuk digjet asnjë kilogramë. Të gjitha depozitohen dhe ky u merr në kundërshtim me kontratën, 29 euro, 18 euro ky i vjedh, i çon ofshore, mundet dhe në  Iran.

Problemi është se baballarët tuaj, motrat dhe nënat tuaja që kanë një biznes të vogël, paguajnë trefish taksën e pastrimit. E kjo është vetëm njëra anë.

Pra që të gjithë e shohin që fusha e Sharrës nuk ka djegës, nuk bëhet seleksionimi, por ai vazhdon nga studio në studio, në një kohë kur e ka vendin nga qelia në qeli, sikur nuk ndodh asgjë. Gjer tani janë bërë 54 milionë euro, minimumi të vjedhura vetëm aty.

Qindra milion të vjedhura me djegësat, pasuri përrallore.

Të fundit