Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

'Tirana më e shtrenjta në Europë dhe rekord pastrimi parash', Këlliçi: Dy tregues që çojnë te përgjegjësia e Ramës

Politiko 29 Prill 2026, 17:45

'Tirana më e shtrenjta në Europë dhe rekord pastrimi

Deputeti i Partisë Demokratike, Belind Këlliçi ka reaguar në rrjetet sociale duke lidhur rritjen e çmimeve të apartamenteve në Tiranë me fenomenin e pastrimit të parave në sektorin e ndërtimit.

Duke iu referuar të dhënave nga Numbeo dhe INSTAT, ai thekson se dy treguesit, kostoja e lartë e banesave dhe rritja e aktivitetit të dyshimtë financiar, lidhen drejtpërdrejt me modelin e qeverisjes së kryeministrit Edi Rama.

"Janë dy të dhëna që edhe pse në burime të ndryshme, lidhen thelbësisht me njëra tjetrën dhe të dyja të çojnë tek Edi Rama!
Sipas studimit të Numbeo, nisur nga të ardhurat dhe fuqia blerëse, Tirana për rritjen e çmimit të apartamenteve barazohet me Milanon dhe vendoset në 4 qytetet më të shtrenjta në Europë, ku një familje i duhen 17.6 vite punë për të blerë një banesë.
E dhëna tjetër vjen nga INSTAT dhe bën të ditur se pastrimi i parave arriti rekordin e 10 viteve të fundit. Dhe është pikërisht sektori i ndërtimit ku ky fenomen është i përhapur.
Gjatë 2025 kjo veprimtari kriminale u rrit me 11% krahasuar me një vit më parë.
Ko është arsyeja kryesore pse çmimet janë kaq të larta dhe të papërballueshme nga qytetarët.
Por të dyja këto dukuri tregojnë në sfond portretin e Edi Ramës.
Ai është personi që cakton vendet ku do ndërtohet, merret me projektet dhe është ai që jep lejet. Si në Tiranë ashtu dhe në zonat turistike.
Pra Edi Rama e drejton këtë industri ku fitimet janë të larta dhe pastrimi i parave është në rritje?
Kemi të bëjmë me të ardhura të dyshimta e të paligjshme nga dy burime kryesore, krimi i organizuar dhe korrupsioni.
Dy fusha ku Edi Rama ka lidhjet e tij të fuqishme. Aferat e mëdha lidhen me vendimet e tij me qeverisjen dhe tenderat e tij. Ndërsa krimi i organizuar ka gjetur tek ai partnerin e duhur për të penetruar në treg.
Nëse është dikush drejtpërdrejt përgjegjës pra për çmimet e larta të apartamenteve dhe për pastrimin e parave të krimit, ai është Edi Rama", shkruan Këlliçi. 

Të fundit