Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Ditari i Opozitës

Vendimi i ‘Kushtetueses’ për Xhaçkën, Shehaj: Shkeli Kushtetutën, gjykon kur e lejon qeveria

Politiko 24 Shkurt 2023, 10:15

Vendimi i ‘Kushtetueses’ për Xhaçkën, Shehaj:

Deputeti demokrat Agron Shehaj ka reaguar pas vendimit të Gjykatës Kushtetuese për të rrëuar kërkesën e opozitës për shqyrtimin e papajtueshmërisë së mandatit të ministres Olta Xhaçka.

Në një reagim në Facebook, Shehaj shkruan se me argumentin që ka përdorur ‘Kushtetuesja’ se “nuk mund të shtyrtojë mandatin e zonjës Xhaçka, pasi duhet që kerkesa për gjykimin e papajtueshmërisë të sillet nga Kuvendi dhe jo nga një grup deputetësh”, tregon qartazi se gjykata do të gjykojë vetëm nëse e lejon qeveria.

Postimi i Shehajt:

Gjykata Kushtetuese shkel Kushtetutën e Shqipërisë

Vendimi i Gjykatës Kushtetuese për të rrëzuar kërkesen e Opozitës për shqyrtimin e papajtueshmërisë së mandatit të Ministres së Jashtme, Olta Xhaçka është dëshmia e radhës se fatkeqësisht në Shqipëri drejtësia nuk është e pavarur nga qeveria.

Me vendimin e sotëm, Gjykata thotë se nuk mund të shtyrtojë mandatin e zonjës Xhaçka, pasi duhet që kerkesa për gjykimin e papajtueshmërisë të sillet nga Kuvendi dhe jo nga një grup deputetësh. Pra nese Kuvendi, shumica e të cilit kontrollohet nga maxhoranca dhe qeveria nuk voton për të çuar kërkesën, atëhere Gjykata nuk merr në shqyrtim asnjë rast për papajtueshmëri mandati të ministrave apo zyrtarëve të maxhorancës.

Praktikisht me këtë vendim Gjykata Kushtetuese thotë se do të gjykojë vetëm atëhere kur e lejon qeveria dhe maxhoranca parlamentare.

Duke i hequr të drejtën 1/5 së deputetëve për t'ju drejtuar Gjykatës Kushtetuese, ajo kufizon të drejtën e pakicës për të ushtruar kontroll mbi abuzimet e Qeverisë, siç parashikohet shprehimisht nga Kushtetuta.

Anëtarët e Gjykatës Kushtetuese ishin përballë një zgjedhje të qartë. Atë të mbrojtjes së Kushtetutës dhe interesit kombëtar apo mbrojtjes së interesave private dhe okulte të qeveritarëve. Fatkeqësisht zgjodhën të dytën duke i dhënë një goditje fatale parimit të ndarjes së pushteteve dhe shtetit të së drejtës në Shqipëri.

Të fundit