Flash News

FOTO/ Ky është kushëriri i Ardian Nikulajt që u vra mbrëmë në Lezhë

Atentat në Lezhë, ekzekutohet kushëriri i Ardian Nikulajt

Short "ferri" për kombëtaren, ja datat e ndeshjeve të Shqipërisë

Hidhet shorti i Euro 2024, Shqipëria në Grupin B me Spanjën, Kroacinë dhe Italinë

Aksident në Cërrik, makina përplas për vdekje 35-vjeçarin që drejtonte motorin

DITARI POLITIK

Sulmi në veri të Kosovës “përplas” Bardhin me ministrin e Jashtëm

Politiko 2 Tetor 2023, 20:11

Sulmi në veri të Kosovës “përplas” Bardhin me

Ministri i Jashtëm Igli Hasani dhe kreu i grupit parlamentar të PD-së, Gazment Bardhi, janë përplasur në Kuvend për ngjarjet e ndodhura në Kosovë.

Hasani tha se sulmi terrorist në Kosovë është një akt kriminal dhe i rrezikshëm agresioni kundër stabilitetit, integritetit, pavarësisë, rendit dhe sigurisë së Kosovës.

Mirëpo, Hasani foli me gjuhën e Ramës kur tha se shpallja e zisë nga Serbia, ishte sinjali më i keq që dha për rajonin.

“Kemi pritur që Serbia të niste në hetim serioz për grupin kriminal, potencialisht të përfshirë në një konflikt të armatosur në veri të Kosovës dhe lidhje të tij me trafikantë të armëve dhe individë apo subjekte të tjera në Serbi apo diku gjetkë. Në vend të kësaj, Beogradi zgjodhi t’i fryjë zjarrit të një konflikti të armatosur”, tha Hasani.

Bardhi  replikoi me ministrin e Jashtëm duke thënë se priste që qeveria ta dënonte sulmin, teksa bëri me dije se PD ka bërë një rezolutë për të dënuar sulmin në Banjskë.

“Prita që të dënonte sulmin e organizuar nga Republika e Serbisë mbi institucionet e sigurisë së Kosovës. Grupi ynë parlamentar ka propozuar një rezolutë që Kuvendi do duhet ta miratojë një orë e më parë. Do doja të dëgjoja edhe mendimin e Ministrisë sonë të Jashtme nëse duhet të jemi të unifikuar në qëndrim, Kuvendi i Kosovës, me Kuvendin e Shqipërisë duke dënuar së pari gjithë bashkë si deputetë shqiptarë sulmin e organizuar nga Republika e Serbisë dhe së dyti se çfarë masash është duke marrë ministria jonë e Jashtme në drejtim të nxitjes së një hetimi ndërkombëtar dhe mbajtjes përgjegjëse të Serbisë ndaj sulmit të 24 Shtatorit. Vërejtja se ministri jonë i jashtëm lexoi statuset që ka bërë kryeministri pa shprehur një qëndrim të institucionit që drejton”, tha Bardhi.

Të fundit