Vështirësitë ekonomike dyshohet se e kanë shtyrë 24 vjeçaren me iniciale E.Y., t’i jepte fund jetës. Vajza që u gjet e vetëvrarur nga familjarët e saj mesditën e djeshme në Tiranë, dyshohet se e ka kryer aktin e rëndë në kushtet e depresionit.
Kanë qenë familjarët e viktimës që kanë lajmëruar policinë për ngjarjen që ka ndodhur rreth orës 11:20, prapa pallatit të sportit “Asllan Rusi”, raporton gazeta ‘Panorama’.
24-vjeçarja kishte mbaruar studimet e larta në Tiranë, ndërsa nuk kishte arritur të gjente punë në profesionin e saj. Prej pak kohësh ajo kishte filluar punë në një “Call Center”, në kryeqytet, por ndërkohë familja e saj jetonte në kushte të vështira ekonomike, që kanë sjellë shqetësime edhe te 24-vjeçarja, e cila së fundmi kishte shfaqur probleme me depresionin. Nuk dihet nëse vajza kishte marrë apo jo mjekim për këtë problem.
Si rritja e çmimeve po godet familjet shqiptare; shtohen shpenzimet për ujin dhe ilaçet
Financuar Nga Bashkimi Europian
