Iu shmang përballjes me opozitën në Kuvend për skandalin ‘McGonigal’, Rama ‘shfaqje’ në tre TV nga zyra e tij

Kryeministri Edi Rama nuk u paraqit dje në seancën plenare të Kuvendit ku ishte thirrur në një interpelancë urgjente nga deputetët e opozitës për të dhënë shpjegime për çëshjen “McGonigal”, pasi një ish-zyrtar i lartë i FBI akuzohet për përfitime, udhëtime dhe takime të padeklaruara në Shqipëri, përfshi edhe ato me Ramën.

Kryetarja e Kuvendit, Lindita Nikolla njoftoi se Kryeministri kishte deleguar minstren e shtetit, Elisa Spiropali që të përgjigjej pyetjeve të deputetëve në emër të tij, gjë që u kundërshtua nga opozita.

Seanca plenare u tensionua pasi opozita bllokoi foltoren duke kërkuar që të mos vijohej me rendin e ditës pa ardhur kryeministri për t’u përgjigjur për lidhjen me dosjen “McGonigal”.

Vetë Rama preferoi të përgjigjej në Tëitter për atë që po ndodhte në Kuvend, duke e quajtur kërkesën e opozitës abuzim me lirinë e fjalës.

“Kush i ka dy fije mend e kupton se ç’është e tërë kjo histeri vetëgjyqësie politike e mediatike,mbi një gjyq në Amerikë për një zyrtar të FBI të cilin drejtësia e nongratave këtu pretendon se është korruptuar nga unë, ndërkohë që drejtësia amerikane s’ka asnjë akuzë a pretendim”- shkruante Rama.

Ndërkohë, Rama shfaqet në ‘prime-time-et’ e darkës dhe si asnjëherë më parë del në tre ekrane të ndryshme televizive brenda dy orësh.

Fillimisht, Rama flet për Grida Dumën, ish deputete e PD në Top Channel përmes lidhjes me Skype nga zyra e tij.

Ndërsa mohonte lidhjet me ish zyrtarin e FBI, ndër të tjera, Rama sqaroi se nuk u përball me opozitën në Kuvend sipas tij nuk e meriton përgjigjen e tij.

“Ata nuk meritojnë përgjigjen time. Kam rënë shpesh herë ne nivelin e tyre dhe jam bërë kontirbutor për neveritjen dhe helmimin e njerëzve nga debatin politik. Ata nga unë kanë marrë gjithçka që mund të merrnin dhe unë nuk kam më gjë për ta”, tha Rama në një bisedë që zgjati mbi 30 minuta.

Pas pak minutash, Rama shfaqet në një tjetër ekran, në Euroneës Albania në emisionin ‘Now’ të Erla Mëhillit.

Ndër të tjera, Rama tha se nuk i ka dhënë asnjë document ish-zyrtarit të FBI-së për financimet ruse në Partinë Demokratike, ndërsa iu shmang përballjes me panelistët, deputetin e PD Agron Shehaj dhe analistin Andi Bushati. Madje, këta të fundit i quajti ‘prokurorë popullorë’.

Në shenjë proteste, Bushati u largua për disa minuta nga paneli.

Ishte vetë Rama ai që përcaktoi kohën e secilit emision ku u shfaq i ftuar, ndërsa në ‘Now’ la në mes diskutimin pasi në studio të ftuarit i kërkonin sqarime për skandalin McGonigal’.

Më pas, Rama del në një tjetër tv, në MCN me Ylli Rakipin, ku biseda zgjati gati një orë.

Në këtë studio, Rama Kryeministri Edi Rama foli për një mundësi që të shkojë dhe të dëshmojë në Prokurorinë e Posaçme kundër Korrupsionit dhe Krimit të Organizuar, SPAK, por tha se nuk e koncepton dot që të mos shkojë.  

“Unë nuk e konceptoj dot që Prokuroria të kërkojë kontributin tim dhe mos ta bëj. Edhe ajo aktakuza që tundej sot në park zoologjik nuk ka asgjë që lidhet me asnjë aktivitet të dyshuar. Madje dhe vetë personi A që ka bërë shkëmbimin e parave nuk është nën akuzë”, tha Rama ndër të tjera.