Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

E-TJERA

Akil Pano kritikon praninë e fëmijëve në 'Paradën e Krenarisë': Po përdoren për propagandë

Politiko 25 Maj 2026, 09:34

Akil Pano kritikon praninë e fëmijëve në 'Paradën

Pastori Akil Pano ka reaguar ashpër për praninë e fëmijëve në “Paradën e Krenarisë” të zhvilluar të shtunën nga komuniteti LGBTQ, ku morën pjesë edhe ambasadori i BE në Tiranë Silvio Gonzato dhe zv.kryeministrja Albana Koçiu.

Në një reagim në Facebook, pastori kritikon vendosjen e fëmijëve në qendër të një aktiviteti, sipas tij, duke u vendosur në shërbim të propagandës, me qëllim për të zbutur reagimin publik.

“Problemi nuk është vetëm realizimi i fotografisë! Problemi është përdorimi simbolik i fëmijëve në betejat ideologjike të të rriturve. Fëmija nuk ka pjekurinë të kuptojë konfliktin kulturor, as të analizojë axhendat politike, a të kuptojë përplasjet ideologjike të kohës sonë. Megjithatë, gjithnjë e më shpesh, fëmijët shfaqen në parada politike, marshime ideologjike, në evente seksualisht të ngarkuara simbolikisht, si dekor emocional për të zbutur reagimin publik. Kjo është pikërisht ajo që duhet të shqetësojë çdo institucion serioz në vend”, shkruan Akil Pano.

Pastori i drejtohet Avokatit të Popullit, Shërbimit Social Shtetëror dhe institucioneve për mbrojtjen e fëmijëve, duke i kërkuar që fëmijët të mbahen larg aktiviteteve që kanë për qëllim t’i përdorin si mburoja emocionale dhe të lejojnë që “fëmijët të jenë fëmijë”.

“Ku janë kufijtë e përfshirjes së fëmijëve në aktivizëm politik dhe ideologjik? Kush mban përgjegjësi për ekspozimin publik të tyre? A ekziston mbrojtje reale për privatësinë dhe integritetin psikologjik të fëmijëve? A po përdoren të miturit për të normalizuar narrativa që ata vetë nuk janë në gjendje t’i kuptojnë?

Shoqëritë bien në krizë jo vetëm kur humbin ekonominë apo sigurinë. Por kur humbasin aftësinë për të mbrojtur pafajësinë e fëmijëve nga instrumentalizimi ideologjik. Fëmijët nuk duhet të jenë mjete propagande, mburoja emocionale të politikës, dekor i betejave kulturore të të rriturve. Ata duhet të jetojnë femijërinë e tyre. Thjesht, i lini fëmijët të jenë, fëmijë”, përfundon pastor Akil Pano.

Të fundit