Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

E-TJERA

Aksidenti tragjik me 21 viktima në Itali, shqiptari rrëfen momentet e tmerrit: Isha i pari që shkova për ndihmë, tjerët bënin foto

Politiko 5 Tetor 2023, 08:29

Aksidenti tragjik me 21 viktima në Itali, shqiptari rrëfen momentet e

Bucaj Bujar është personi i parë që ka parë autobusin të binte në mbikalim nga vendi i tij i punës.

Burri rrëfeu në mikrofonin e Tgcom24 për të dhënë dëshminë e tij në lidhje me tragjedinë e autobusit të rrëzuar në Mestre ku humbën jetën 21 të vdekur në aksident.

I tronditur nga ajo që përjetoi dy net më parë, ai tregoi se si kishte dhënë ndihmën e parë për disa nga personat e aksidentuar.

“Vrapova, u ngjita mbi një gardh dhe e gjeta veten përballë... ferrit”, thotë Bujari, shpëtimtari i parë dhe i vetëm që ndërhyri. “Autobusi nuk po digjej ende, nuk ka pasur flakë. Megjithatë, tashmë kishte të vdekur dhe të plagosurit bërtisnin, të tjerë përpiqeshin me dëshpërim të dilnin nga ai kurth”.

"Kam ndihmuar një vajzë të vogël për të dalë nga autobusi, kam arritur t'u jap një dorë dy djemve. Në pak çaste shpëtuan katër persona. Më pas i kam kërkuar ndihmë dikujt që ishte afër, por askush nuk erdhi. Një zotëri më pas hodhi një zjarrfikës në mua nga mbikalimi, e mora dhe u përpoqa të shuaj zjarrin”.

Më pas ka ardhur ndihma: “Në fillim ka ardhur një makinë policie, më pas ka ardhur e dyta, më në fund kanë mbërritur zjarrfikësit dhe të gjitha ambulancat”, u shpreh Bujar Bucaj, 43 vjeç nga Kosova pronar i një lokali në atë zonë 

“Fillimisht isha vetëm unë për të dhënë ndihmë. Të tjerët ishin të zënë duke bërë foto dhe video me celularët e tyre. Pyes veten se si e bën këtë në një moment si ky."

Fatkeqësisht, ky është një zakon i përhapur. Dhe që kalon mbi dhimbjen dhe zinë, duke lënë gjurmë mosrespektimi.

Bujari gjeti vetëm një aleat, një shofer kamioni, i cili pasi ndaloi mjetin në anë të rrugës, hodhi një zjarrfikës kur pa flakët duke filluar.

“E gjeta veten të rrethuar nga njerëz, kishte shumë ambulanca, por vetëm dy mjekë. Të paktën në fillim. Aty qëndrova deri në orën 23. Më pas shkova në shtëpi”.

Një hero? “Nuk kam pse ta them këtë, u takon të tjerëve ta gjykojnë. Për sa më përket mua, mund të bëj vetëm një apel: ju lutem, kur të ndodhin këto gjëra, jepni një ndihmë. Ndihma juaj mund të jetë vendimtare për të shpëtuar një jetë njerëzore në rrezik”, u shpreh shqiptari.

Të fundit