Flash News

Dyshohet se është vrarë, del foto e 23-vjeçarit që u gjet i vdekur në liqenin e Shkopetit

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

E-TJERA

Ambiciet energjetike të Shqipërisë, potencialet për t’u kthyer në vend tranzit për Evropën dhe BP

Politiko 20 Maj 2022, 11:55

Ambiciet energjetike të Shqipërisë, potencialet për

Pas luftë ruse në Ukrainë, u thellua më shumë emergjenca e vendeve për naftën dhe gazin që importohej nga Rusia. Vendosja sanksioneve bllokoi tregtinë e hidrokarbureve nga Moska, çka e bëri më të vështirë mbijetesën dhe gjeten e rrugëve alternative të Perëndimit, për të siguruar lëndët djegëse.

Shqipëria synon që në një të ardhme të kthehet në një vend tranzit të kalimit të gazit në rajonin e Ballkanit Perëndimor dhe në Evropë.

Kompania Overgaz, lider në Bullgari në sektorin e gazit, të cilës kompania amerikane Linden Energy i bleu vitin e kaluar 50 përqind të aksioneve, nënshkroi në Tiranë në fillim të kësaj jave, (16.05) një Memorandum Mirëkuptimi me kompaninë shtetërore shqiptare Albgas.

Memorandumi ka të bëjë me  bashkëpunimin dy palësh për realizimin e projekteve që diversifikojnë furnizimin me gaz natyror në BP dhe në Europë,  përfshirë edhe furnizimin e kompanisë Overgas me Gaz të Lëngët, (LNG) në portin e Vlorës.

Deutsche Welle raporton se sipas burimeve zyrtare, bashkëpunimi në fjalë ka marrë mbështetjen e plotë të SHBA-ve, duke kujtuar se në ceremoninë e nënshkrimi ishte edhe ish-sekretari i Shtetit Mike Pompeo. Bashkëpunimi mes komapnisë amerikano-bullgare dhe asaj shtetërore shqiptare synon të ndërtojë një korridor të ri kalimi nga Porti i Vlorës drejt Ballkanit Perëndimor dhe Evropës.

Projekti, që do të realizohet për këtë qëllim, parashikon ndërtimin në gjirin e Vlorës të një terminali të ri lundrues për importin e LNG, magazinimin dhe rigazifikimin e tij, i cili do të mundësojë furnizimin me gaz të TEC-it ekzistues në Vlorë. Nëpërmjet një tubacioni të ri, Vlore-Fier, që do të ndërtohet do të bëhet i mundur transporti i sasive te gazit drejt gazsjellësit Trans-Adriatik, (Trans-Adriatik Pipeline, TAP), që ka një rol kyç në sigurinë energjitike të BE dhe pavarësimin e tij nga gazi rus.

Arbër Avrami, Drejtori Ekzekutiv i Albgas, thotë për DË se furnizimi me gaz i kësaj kompanie përmes këtij korridori të ri do të shkojë, përveç Ballkanit Perëndimor, edhe në Ukrainë dhe Moldavi.

Shkëlqim Bozgo, ekspert i njohur në fushën e energjisë, thotë për DW, se "rrethanat e krijuara nga lufta në Ukrainë, pozicioni gjeografik i Shqipërisë dhe fakti që TAP është tanimë funksional, i mundësojnë Shqipërisë të shndërrohet në një pikë tranzitimi të flukseve të gazit natyror nëpërmjet ndërtimit të terminalit të gazit të lëngshëm në Vlorë dhe lidhjes së tij me gazsjellësin TAP.”

Të fundit