Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

E-TJERA

Amnistia fiskale dhe pasaportat e arta/ Konfindustria thirrje qeverisë: Tërhiquni zyrtarisht nga nismat, rrezikojnë integrimin

Politiko 20 Shkurt 2023, 09:59

Amnistia fiskale dhe pasaportat e arta/ Konfindustria thirrje qeverisë:

Qeveria e ka bërë të qartë se nuk do të tërhiqet nga nismat e saj, pavarësisht kritikave që ndërkombëtarët, SHBA dhe BE, i kanë adresuar vazhdimisht.

Konfindustria i ka kërkuar qeverisë të tërhiqet zyrtarisht nga nismat, si domosdoshmëri për monitorimin e vendit nga agjencitë e specializuara të BE mbi korrupsionin dhe klasifikimin e Shqipërisë në "listën gri". 

Sipas Konfindustrisë, me nismat që qeveria ka deklaruar se do të ndërmarrë, Shqipëria rrezikon vonesa dhe pengim të procesit të negociatave për antarësim në Bashkimin Europian.

"Konfindustria i kërkon ekzekutivit, që në një kohë sa më të shpejtë të tërhiqet zyrtarisht nga nismat e “ amnistisë fiskale”, “pashaportat e arta” dhe ligjërimi i prodhimit të “kanabisit mjekësor”.

Veprimi i mësipërm bëhet i domosdoshëm në kushtet e zgjerimit të monitorimit të vendit nga agjencitë e specializuara të BE dhe vazhdimësisë së mbajtjes në grupin në të ashtuquajturën “listë Gri” të shteteve më të rrezikuara të pastrimit të parave. Gjithashtu, terheqja zyrtare nga nismat e mësipërme bëhet edhe më domosdoshmëri, duke vlerësuar pasojat e paparishikuara, që mund të rrjedhin nga skandali i fundit me ish zyrtarin e lartë të FBI amerikane.

Partnerët gjeostrategjikë të Shqipërisë si BE, ShBA, Britania e Madhe,etj. si dhe institucionet financiare ndërkombëtare, në mënyrë të vazhdueshme kanë shprehur kundërshtimin e qartë ndaj nismave të sipërpërmendura të qeverisë shqiptare.

Në rast të vonesës së tërheqjes nga amnistia fiskale e shpallur, Shqipëria rrezikon seriozisht vonesa dhe pengim të proçesit të negociatave për antarësim në Bashkimin Europian, si qëllim strategjik me rëndësi kombëtare. Në të njëjtën kohë rrezikojmë cënim të angazhimeve të Shqipërisë në aleancat EuroAtlantike të sigurisë rajonale dhe ndërkombëtare.

Gjithashtu, vendi rrezikon qartësisht shtimin e kostove të huamarrjes të letrave me vlerë në tregjet financiare ndërkombëtare dhe ulje të konkurencës në tërheqjen e investimeve të huaja, shumë të ndjeshme ndaj vlerësimeve të agjencive të specializuara ndërkombëtare të kontrollit të parave të zeza. Rrymat e parave “jo të ligjshme” godasin ashpër konkurencën e drejtë dhe biznesin e ndershëm dhe ndërtimin e një ekonomie kombëtare të qëndrueshme në afatgjatë", deklaron Konfindustria.

Të fundit