Flash News

E-TJERA

Debati për rrugën, Buzhala: Veliaj kupton biznesin e plehrave, jo peshën e Ibrahim Rugovës

Debati për rrugën, Buzhala: Veliaj kupton biznesin e plehrave, jo

Kryebashkiaku i Tiranës, Erion Veliaj, ka vendosur të ndajë në dy pjesë rrugën “Ibrahim Rugova” dhe ta zëvendësojë gjysmën e saj me emërtimin “Dëshmorët e 4 Shkurtit”.

Gazetari nga Kosova, Berat Buzhala, ka reaguar përmes një postimi në Facebook. Buzhala shkruan se Veliaj kupton më mirë biznesit e plehrave se sa peshën kombëtare që ka figura e ish-presidentit Ibrahim Rugova.

Buzhala shton më tej se për Veliajn disa metra rrugë janë veçse biznes, vota dhe tregti.

Gazetari thekson se Veliaj reagon vetëm kur një tender ia ‘rrëmben’ dikush tjetër, e jo për çështje me rëndësi të tillë kombëtare.

“Erion Veliaj nuk e kupton Ibrahim Rugoven. Nuk eshte ne lartesine e duhur, keshtu qe nuk mund ta sheh ate. Atij i duket normale qe t'ia heq emrin prej nje pjese te rruges, duke ia falur ate dikujt tjeter. Thush ti qe rruga po e nderonte Rugoven dhe jo anasjelltas.

Lali Eri e kupton biznesin e plehrave shume me mire se sa peshen kombetare te figures se Ibrahim Rugoves. Per Erionin disa metra me shume rruge, a disa metra me pak rruge, jane biznes, jane vota, jane tregti. Jane tregti edhe kur jepen tendere per t'i shtruar ato, e jane tregti edhe kur vendosin t'i pagezojne ato rruge.

Prandaj, ai pa menduar dy here e ka coptuar per gjysme rrugen qe e mbante emrin e liderit historik te Kosoves, duke e kryer keshtu nje akt vandal.

Lali Erit i eshte dukur normale nje gje e tille. Jam i bindur qe tash ai eshte i shokuar me reagimet nga Prishtina.

Politikan te kallepit te Erionit presin reagime vec kur dikush dikujt ia merr nje tender, e jo per tema te kesaj natyre. Kryebashkiaku i Tiranes ka qene i bindur qe e ka bere gjene e duhur, kur ka arritur qe nga nje rruge t'i pjelle dy, duke i kenaqur keshtu komunistet e Tiranes. Mjaft ironike, por Ibrahim Rugoves baben ia kane vra komunistet.

Kjo perbuzje dhe ky nencmim nuk duhet te kaloje kaq lehte. Nje sjellje e ketille eshte neveritese”, shkruan Buzhala.

Të fundit