Djegia e vendgrumbullimit të plehrave në Vlorë, tymi kancerogjen mbulon qytetin

Vlora po përballet me një ndotje mjedisore katastrofike.

Prej 24 orësh fusha e grumbullimit të mbetjeve urbane vijon të digjet dhe tymi kancerogjen po mbulon qytetin. 

 Flakët janë përhapur me shpejtësi për shkak të erës, ndaj dhe tymi ka përfshirë të gjithë zonën përreth, siç duket edhe nga pamjet.

Ndërkohë, në video duket qartë edhe niveli alarmant i ndotjes sot në mëngjes në qytetin bregdetar.

Aktualisht, po punohet me hedhjen e ujit dhe të inerteve, teksa forcat zjarrfikëse kanë vështirësi për ta vënë situatën nën kontroll.