Eksperti britanik: Shqiptarët gjithmonë një hap përpara, rruga e re që po ndjekin për të shkuar në MB

Gangsterët shqiptarë janë "gjithmonë një hap përpara" ligjeve britanike, ka paralajmëruar një ekspert.

The Sun shkruan se bandat shqiptare kanë gjetur mënyra të reja për të dërguar emigrantët e paligjshëm në Britani.

Kjo vjen pasi kryeministri Rishi Sunak u zotua të dëbojë emigrantët e jashtëligjshëm shqiptarë.

Një e treta e 33,029 emigrantëve që kaluan Kanalin midis janarit dhe shtatorit të vitit të kaluar ishin shqiptarë.

Kryeministri britanik premtoi se do të "rrisë" numrin e ilegalëve që po ktheheshin mbrapsht.

Sunak tha: "Unë do të punoj me shqiptarët për të vendosur një marrëveshje të re që do të thotë për njerëzit që vijnë nga Shqipëria ilegalisht, ne do të jemi në gjendje t'i largojmë ata të sigurtë në Shqipëri dhe kjo tashmë po ndodh”.

Vitet e fundit qeveria ka kërkuar të shënjestrojë kriminelët që kontrollojnë rrugët e kontrabandës me njerëz nga Shqipëria në MB.

Eksperti tha për The Sun se “Kontrabandistët janë gjithmonë përpara qeverisë”.

Ai shpjegoi se si bandat kanë trafikuar shqiptarët në Britaninë e Madhe që nga fundi i viteve '90.

"Përdorimi i varkave të vogla po hiqet gradualisht sepse është i rrezikshëm", deklaroi ai.

'NJE HAP PERPARA'

Duke identifikuar dy rrugët kryesore të përdorura nga bandat, ai shpjegoi: “Shefët e bandave rekrutojnë shoferë të korruptuar kamionësh në Belgjikë dhe Francë.

Më pas i japin ryshfet për të transportuar njerëz në ngarkesën e tyre, fjalë për fjalë në pjesën e pasme të kamionit.

Kur kamioni mbërrin në MB, të paligjshmit i lëshojnë në parkingje. Më pas vijnë të afërmit dhe i marrin."

Burimi tha se bandat paguajnë rreth 18,000 £ për person dhe rruga e dytë përfshin përdorimin e dokumentacionit të rremë.

Ai tha: “Bandat kanë shqiptarë në BE me aftësinë për të krijuar pasaporta false, plotësisht biometrike. Ata mund të krijojnë edhe leje drejtimi false.

Bandat paguajnë nga 2 mijë deri në 3 mijë paund për pasaporta false. Pasi të keni një nga këto, thjesht fluturoni për në Londër si turist dhe jeni brenda".

Ai e përshkroi tregtinë si shumë fitimprurëse, duke shtuar: “Është një biznes shumëmilionësh”.