Flash News

U vra nga i dashuri, del autopsia e Ilaria Sulës: Tre plagë të thella në qafë, vdiq nga shoku hemorragjik

3.7 mln euro evazion fiskal me fatura false, vetëdorëzohet në polici pronari i ‘Buzi Store’

Berisha: 'E-albania' si telefon i prishur, do rikthejmë zyrat e informacionit

KPA lë në fuqi shkarkimin e prokurores Elveta Stafa Mura

AKU kontrollon subjektet private në Vlorë për mishin e pulës me Salmonelë

E-TJERA

Fluturimet në aeroportin e Kukësit janë ndërprerë prej dy muajsh, shkak rënia e fluksit

Politiko 6 Dhjetor 2021, 13:35

Fluturimet në aeroportin e Kukësit janë ndërprerë prej

Fluturimet në aeroportin e Kukësit, “Zayed, Flatrat e Veriut”, janë ndërprerë prej dy muajsh. Drejtori i Aeroportit të Kukësit, Altin Progonati, njoftoi se fluturimet do të rinisin në muajin shkurt me dy ose trefishin e fluturimeve që janë bërë më parë.

Dy kompanitë ajrore “Air Albania” dhe ajo zvicerane “Helvetic Airëays” nuk kanë programuar fluturime të tjera. Sipas Progonatit, ndërprerja e fluturimeve ka të bëjë me rënien e fluksit gjatë sezonit të dimrit.

“Fluturimet e programuara janë ndërprerë për shkak se kompanitë ajrore reduktojnë numrin e tyre të fluturimeve gjatë sezonit të dimrit, pasi fluksi i pasagjerëve nuk është më ai që ka qenë gjatë sezonit të verës. Kjo është arsyeja kryesore. Arsyeja e dytë është se fluturimet Charter janë të hapura dhe mund të ndodhin herë pas here në varësi të kërkesave që kanë kompanitë charter nga klientët e tyre”, tha për KOHËN, Progonati.

Përvecc dyfishimit të fluturimeve, gjatë muajit shkurt pritet që listët së destinacioneve t’i shtohen edhe vende të tjera.

“Bëhet fjalë për një shtim të fluksit, dyfishim ose dhe më tepër fluturime, si dhe destinacione të reja. Presim të fillojë linja me Londrën, disa destinacione me Gjermaninë, si dhe do të jenë destinacionet e sezonit të kaluar që kishte Aeroporti i Kukësit. Do të kemi një fluks të shtuar edhe me chartera”, tha ai.

Progonati i mohoi dhe i quajti spekulime lajmet se Aeroporti nuk është i licencuar.

“Aeroporti i Kukësit është certifikuar që më 18 prill kur është bërë fluturimi i parë. E para, është një detyrim ligjor shtetëror dhe ndërkombëtar që një aeroport duhet të jetë i certifikuar, që një kompani ajrore të ulet në atë aeroport. Pra, pa një certifikatë, asnjë kompani ajrore nuk guxon të aterrojë në një aeroport kudo qoftë në çdo vend të botës. E dyta, Aeroporti i Kukësit është ndërtuar të jetë brenda standardeve ndërkombëtare. Aktualisht Aeroporti i Kukësit është i kategorisë 3C ICAO (International Civil Aviation Organization)”, u shpreh ai.

Gjatë periudhës së fluturimeve në Aeroportin Ndërkombëtar të Kukësit u regjistruan më shumë se 12 mijë pasagjerë. Aeroporti i Kukësit ka përfunduar së ndërtuari që në tetor të vitit 2007, pas një granti falas prej 30 milionë dollarësh nga Qeveria e Emirateve të Bashkuara.