Flash News

E-TJERA

Gazetarja “zbërthen” aplikacionin SKY ECC: Si kamufloheshin kokat e krimit

Gazetarja “zbërthen” aplikacionin SKY ECC: Si kamufloheshin

Gazetarja Dorjana Bezat ka zbërthyer aplikacionin SKY ECC me të cilin komunikonin elementët e krimit.

E ftuar në “Top Story”, gazetarja tha se ka pasur një kod i quajtur “kod paniku” që aktivizohej në aplikacion dhe shërbente në rastet kur ata ndjeheshin në rrezik. 

Ajo shtoi se secili prej tyre kishte një kod personal me të cilin hynin në paplikacionin, teksa tregoi edhe kodin që përdorte prokurori Xhevahir Lita.

“Sky funksiononte me një kod, nuk kishe emrin tënd, kishe një kod 6 shifror, një përzierje mes shkronjave kapitale dhe numrave të personazheve të botës së krimit që janë në kërkim apo që janë arrestuar. Kodi i parë që është MHSE7L i përket ish prokurorit Xhefahir Lita dhe kështu me radhë. Ai është kodi i personit. Kishte një aplikacion Sky që nëse ti kishe panik se ishe në gjurmët e policisë fusje një kod paniku dhe të gjitha bisedat e tua fshiheshin.

Brenda aplikacionit ishte një alternativë që quhej kod paniku, ku ti nëse klikoje tek ky kodi dhe fusje një kod tëndin që e zgjidhje ti, të gjitha komunikimet që kishe bërë në rrjetin Sky fshiheshin dhe ishin të pakthyeshme. Po ashtu kishte alternativa që mesazhet për një afat kohor të cilin përdoruesi e mendonte fshiheshin, në celular nuk ishin por në server po”, tha Bezat.

Të fundit