Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Lidhja e McGonigal me djalin e presidentit Biden, dy çështjet ku rezulton i përfshirë

Politiko 27 Janar 2023, 09:18

Lidhja e McGonigal me djalin e presidentit Biden, dy çështjet ku

Mediat amerikanë i kanë kushtuar vëmendje arrestimit të ish-agjentit të FBI, Charles McGonigal. New York Post ka shkuar një artikull për lidhjen e Charles McGonigal dhe familjen e Hunter Biden, djali i presidentit amerikan Joe Biden.

NYP raporton se vajza e McGonigal dhe vajza e Hunter Biden ishin pjesë e të njëjtit kurs në sportin e “lacrosse”.

Kjo është zbuluar nga emailet e publikuara të Hunter Biden, ku është edhe adresa e emailit e bashkëshortes së McGonigal.
Ky i fundit i cili akuzohet se ka ndihmuar një oligark rus të sanksionuar dhe se ka marrë 225 mijë dollarë nga kryeministri Edi Rama për të dëmtuar opozitën, ka shqetësuar republikanët në SHBA.

McGonigal ishte një nga zyrtarët më të lartë të FBI-së që ndihmoi në nisjen e hetimit ndaj ish-presidentit Donald Trump, për një marrëveshje me rusët.

Në atë kohë, oligarku rus Oleg Deripaska po punonte me ish-spiunin britanik Christopher Steele, burimin e dosjes së rreme për Trump që u përdor si bazë për çështjen e fshehtë të FBI-së ndaj ish-presidentit amerikan.

Ai është gjithashtu i lidhur me Biden përmes hetimit të FBI-së për Chi Ping Patrick Ho, i cili u arrestua nga agjentët në nëntor 2017.

Në atë kohë, McGonigal ishte agjenti i posaçëm i ngarkuar me Divizionin e Kundërzbulimit dhe të dhënat e gjykatës tregojnë se disa prova kundër Ho vinin "nga vëzhgimi elektronik dhe kontrolli fizik i kryer në përputhje me Aktin e Mbikëqyrjes së Inteligjencës së Jashtme".

Në atë kohë ishte vetë McGonigal që tha se kishte siguruar prova kundër Ho, pa treguar se nga kishin ardhur provat. Ho u arrestua vetëm pak javë pasi ai dhe Biden kishin nënshkruar një marrëveshje prej 1 milion dollarësh, sipas të cilës Biden do ofronte konsulencë për ligjet amerikane.

Pak pas arrestimit, Ho bëri një telefonatë me xhaxhanë e Biden, James Biden. Ky i fundit tha se në fakt ai kërkonte të lidhej me nipin e tij dhe ai i dha kontaktin. Ho u dënua për korruptimin e zyrtarëve të lartë në Çad dhe Uganda në emër të një kompanie kineze energjetike.

Të fundit