Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

E-TJERA

“Gjuha shqipe nuk negociohet”, pas protestave në Shkup, organizohet tubim mbështetës në Tiranë

Politiko 24 Maj 2026, 10:24

“Gjuha shqipe nuk negociohet”, pas protestave në Shkup,

Një protestë në mbështetje të studentëve shqiptarë në Maqedoninë e Veriut pritet të zhvillohet të martën në Tiranë. Tubimi është paralajmëruar pas reagimeve dhe protestave të mbajtura së fundmi në Shkup, ku studentët kanë kundërshtuar kufizimet për përdorimin e gjuhës shqipe në provimin e jurisprudencës.

Njoftimi për organizimin e protestës është bërë publik në rrjetet sociale nga aktivisti Mevlan Ademi, i cili u ka bërë thirrje qytetarëve të bashkohen në tubimin që do të nisë në orën 17:00 në kryeqytetin shqiptar.

Sipas organizatorëve, protesta synon të shprehë solidaritet me studentët shqiptarë në Maqedoninë e Veriut dhe të kërkojë respektimin e të drejtave gjuhësore, të garantuara nga Kushtetuta dhe ligji për përdorimin e gjuhëve.

Aktivisti Ademi paralajmëroi gjithashtu se pas Tiranës do të ketë mobilizime edhe në Prishtinë, ndërsa protestat do të rikthehen sërish në Shkup, përballë institucioneve qeveritare. Në reagimin e tij ai theksoi se çështja e gjuhës shqipe nuk është e negociueshme dhe se studentët nuk do të tërhiqen nga kërkesat e tyre.

Të fundit