"Meqë ky proces u bë me shtrirje kablli s’kam pyetje", debate në seancën gjyqësore ndaj kryebashkiakut Kristian Shkreli

Seanca gjyqësore ndaj kryebashkiakut Kristian Shkreli, i cili po hetohet për korrupsion në zgjedhje, ka vijuar me dëgjimin e dëshmitarëve të thirrur nga gjykata, i shoqëruar me debate.

Gjatë seancës, dëshmitari Anton Lumi u shpreh se nuk ka asnjë njohje me të pandehurin dhe sqaroi se detyra e tij është si elektricist në mirëmbajtjen e linjave elektrike në disa fshatra të qarkut Shkodër.

Një tjetër dëshmitare e cilësoi procesin si të tepruar, duke deklaruar se sipas saj kryebashkiaku nuk ka kryer shkelje penale, pasi ka ndërhyrë vetëm për të ndihmuar banorët në nevojat e përditshme, ndërsa investimet në zonë janë realizuar nga OSHEE.

Nga ana tjetër, SPAK ka kundërshtuar dëshminë e Anton Lumit, duke vënë në dyshim relevancën e saj për çështjen në hetim.

DEBATI:

SPAK: A jeni ju në dijeni për ndonjë remont të këtyre linjave në fshatin Stajkë. Në maj 2026 kanë qenë zgjedhjet, a mund ta lidhni nëse keni punuar para apo pas zgjedhjeve?

Dëshmitari: Nuk e mbaj mend hiç. Mua më çoi shefi im Jetmir Deda për të shtruar një kabull, tetori ka qenë fillimi i punës. Aty kishte dhe vendalinj dhe të OSHEE, kishte edhe elektricistë të tjerë

SPAK: Ju çfarë pune do bënit?

Dëshmitari: Do shtrija kabull

SPAK: Çfarë problematikash kishte kjo linjë

Dëshmitari: Nuk e di, nuk kam dijeni

Avokatët e kryebashkiakut: Kush ju urdhëroi juve të punoni për remont në fshatin Stajkë?

Dëshmitari: Jetmir Deda

Avokatët e kryebashkiakut: Kjo është rutinë?

Dëshmitari: Po po

Avokatët e kryebashkiakut: Kristjan Shkrelin a e njeh?

Dëshmitari: As e njoh as kam folur me të

Avokatët e kryebashkiakut: Çfarë veprimesh keni bërë atë ditë?

Dëshmitari: Shtroj kabëll me këmbaleca

Avokatët e kryebashkiakut: OSHEE rajoni Shkodër a disponon mjete të tilla me vinç fadromë?

Dëshmitari: Nuk e di, në qendër kam parë si këto mjete

Avokatët e kryebashkiakut: Duke qenë se prokurori pyet a ka shtrirë apo jo kabllin, dhe ky proces u bë me shtrirje kablli unë s’kam pyetje tjetër për dëshmitarin

SPAK: Kërkoj kundërshtimin e pjesshëm të dëshmisë së dëshmitarit Klaudio Fusha sepse ai ka deklaruar ndryshe gjatë hetimeve paraprake për mjete. Ja lë në çmim gjykatës

SPAK: Dëshmitar ku punoni?

Dëshmitari Kastriot Gavoci: Punoj pranë bashkisë se Vaut të Dejës prej tetë vitesh punoj si shofer

SPAK : Çfarë makine?
Gavoci: Fadromë e verdhë.

SPAK : A mund të dëshmoni nëse keni punuar apo jo në një linjë elektrike të fshatit Stajkë, Vau i Dejës, qoftë hapje apo mbyllje gropash apo vendosje shtyllash?

Dëshmitari: Ndërmarrja jonë është vetëm për rrugë e kanale.

SPAK : A jeni në dijeni për linja elektrike?

Gavoci: Merr në telefon kryeplaku dhe thotë se është problem rruga. Unë jam banor i fshatit Stajkë dhe telat bien rrugës. Si fshat është zonë e madhe, është e hapur. Janë bërë rrugë, investime, nuk e di se kur janë bërë këto investime.

SPAK : Nëse ju orientoj me zgjedhjet e 11 majit, janë bërë para apo pas zgjedhjeve?

Gavoci: S’e mbaj mend, për Zotin.

SPAK : Kë ke drejtor në ndërmarrje?

Gavoci: Besmirin, s’ia mbaj mend mbiemrin.

SPAK : A ju ka orientuar ky person për punime për linjën e Stajkës?

Gavoci: Jo.

Avokatët e kryebashkiakut: Cilat janë detyrat e tua?

Gavoci: Jam katunar dhe puna ime është të bëj kujdes, të punoj, mos me pi.

Avokatët: Mos me pi?

Gavoci: O zonjë, s’duhet me pi kur jam në punë.

Avokatët e kryebashkiakut: Çfarë mjeti përdor në punë?

Gavoci: Përdor fadromë, targat s’i mbaj mend se ka 20 e ca vjet dhe u kanë rënë. Ka ngjyrë të verdhë.

Avokatët: A keni patur probleme me energjinë elektrike?

Gavoci: Vazhdojmë të kemi probleme me energjinë elektrike, ik e eja, na thonë se do bëhet remont.

Avokatët: Po rruga?

Gavoci: Ata e kanë të shtruar, ua ka bërë firmë private, janë të kënaqur.