Flash News

Shkaktoi aksidentin e dyfishtë në Vlorë, arrestohet ish-drejtori i Doganës së Fierit

Arben Ahmetaj merret zyrtarisht i pandehur nga SPAK, nën akuzë për 3 vepra penale

Rama niset drejt Britanisë së Madhe, takim me Rishi Sunak; fokusi tek emigracioni dhe krimi

Mjeti përplaset me trafikndarësen në aksin Fushë Krujë-Thumanë, humb jetën pasagjeri

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

Merrni para për skanerat, arrestohen dy mjekë në QSUT

Politiko 3 Shkurt 2023, 10:38

Merrni para për skanerat, arrestohen dy mjekë në QSUT

Dy mjekë të QSUT-së në Tiranë janë vënë në pranga pasi akuzohen për korrupsion dhe shpërdorim të detyrës.

Sipas policisë, mjekët Nazmi Metaliu dhe Astrit Mansaku gjatë ushtrimit të detyrës, iu mundësonin qytetarëve të ndryshëm, kundrejt shumave monetare, bërjen e skanerit.

Njoftimi i plotë:

Finalizohet si rezultat i një hetimi disamujor, të ndjekur me metoda proaktive, operacioni policor i koduar “Skaneri”, për gjurmimin dhe goditjen e rasteve të korrupsionit dhe të shpërdorimit të detyrës. U morën para pacientëve, për të shmangur procedurën standarde spitalore, për bërjen e skanerit, vihen në pranga 2 shtetas (mjeku dhe tekniku i Shërbimit të Imazherisë në QSUT).

Specialistët e Seksionit për Hetimin e Krimeve Ekonomike dhe Financiare të DVP Tiranë, si rezultat i një hetimi disamujor, të ndjekur me metoda proaktive, në bashkëpunim me Prokurorinë pranë Gjykatës së Rrethit Gjyqësor Tiranë, me qëllim konstatimin e rasteve të korrupsionit dhe nxjerrjen përpara përgjegjësisë penale, të autorëve të tyre, organizuan dhe finalizuan operacionin policor të koduar “Skaneri”.

Si rezultat i këtij operacioni, u vunë në pranga shtetasit:

– N. M., 63 vjeç, banues në Tiranë, me profesion mjek;
– A. M., 51 vjeç, banues në Tiranë, me profesion teknik imazherie.

Nga veprimet hetimore, ka rezultuar se këta shtetas, në bashkëpunim me njëri-tjetrin, gjatë ushtrimit të detyrës, iu mundësonin qytetarëve të ndryshëm, kundrejt shumave monetare, bërjen e skanerit, në kundërshtim me rregulloren e Spitalit, për kryerjen e kësaj procedure.

Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.

 

 

Të fundit