Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

E-TJERA

"Mungesa më e madhe në Samit", gazetari: Berisha është pjesë e historisë, duhej përmendur

Politiko 19 Tetor 2023, 17:16

"Mungesa më e madhe në Samit", gazetari: Berisha

Më datë 16 tetor  në Tiranë u mbaj me bujë procesi i Samitit të Berlinit. Liderët e Bashkimit Europian dhe ata të Ballkanit u pritën nga vetë kryeministri Edi Rama duke parakaluar në tapetin e kuq, ndërsa ceremonia pati edhe vëmendjen e mediave të huaja të ardhur në kryeqytetin shqiptar.

Nën shoqërinë e liderve ndërkombëtar, kryeministri Rama u kujdes të paraqiste historinë e Shqipërisë. Në panoramën historike u shfaqë që nga lufta çlirimtare e më herët, e deri më sot, ama me një mungesë të madhe, të cilën e ka vënë në pah gazetari Denis Dyrnjaja.

Dyrnjaja i ftuar në Euronews, tha se ky samit pati një problem shumë të madh që kishte të bënte me një dokumentar që kryeministri Rama paraqiti para liderëve të BE-së ku 30 vite të historisë shqiptare anashkaloheshin menjëherë.

Sipas Dyrnjas nuk mund të përmendësh në historinë e Shqipërisë Enver Hoxhën e të lësh pa përmendur Berishën, pasi sido të jetë ai kishte një rol shumë të rëndësishëm në krijimin e e demokracisë në Shqipëri.

“Në gjithë parashtesën e historikut të shqipërisë u fol që nga lufta çlirimtare e më herët, por kishte një vakum shumë të madh aty. Mungonte hyrja e demokracisë dhe personazhet kryesore, njërin prej të cilëve e kemi këtu (duke iu referuar Nikollë Lesit, i cili ishte gjithashtu i ftuar në studio).

Sali Berishën duhet ta vendosësh aty sido që të jetë, sa kohe ke vendosur Enver Hoxhën, nuk mund të përjashtosh Sali Berishën nga demokracia. Kanë ndodhur disa ngjarje të rëndësishme gjatë kësaj epoke, përfshirë këtu lindjen e gazetës “Koha Jonë”, që në një moment u bë më e rëndësishme se “Rilindja demokratike, e cila ishte gazeta e parë demokratike në Shqipëri.

Tani ti nuk mund të vendosësh të gjithë rrugëtimin e Enver Hoxhës me kineze e sovjetik dhe të anashkalosh momentin më të rëndësishëm. Është hera e parë që unë po diskutoj për këtë gjë  dhe thash në daljen e parë do e them këtë, sepse janë bërë gjithë ato debate dhe nuk është përmendur. Sali Berisha është si është, është pjesë e historisë. S’mund të kalojnë 30 vite direkt, nga protesta e studentëve te prishja e ndërtimeve dhe Shqipëria kartolinë”,-tha Denis Dyrnjaja.

Çfarë është Procesi i Berlinit

Procesi i Berlinit u vendos në vitin 2014 me iniciativën e ish-kancelares gjermane, Angela Merkel, me qëllim të lidhjes dhe integrimit të vendeve të Ballkanit Perëndimor përpara se të anëtarësohen në Bashkimin Evropian.

Procesi i Berlinit shërben si një platformë për bashkëpunimin e nivelit të lartë ndërmjet përfaqësuesve zyrtarë të nivelit të lartë të së ashtuquajturës Gjashtëshja e Ballkanit Perëndimor, e cila përbëhet nga Shqipëria, Bosnje e Hercegovina, Mali i Zi, Kosova, Maqedonia e Veriut dhe Serbia. Procesi përfshin edhe institucionet e BE-së, institucionet financiare ndërkombëtare dhe shoqërinë civile në rajon.

Samiti i nëntorit në Berlin përfaqëson, gjithashtu, ringjalljen e procesit, që kur kancelari Olaf Scholz drejton Qeverinë në Berlin. Sipas njoftimit, samiti i ardhshëm do të organizohet në kryeqytetin shqiptar, Tiranë.

Të fundit