Flash News

Gardisti dhunon protestueses gjatë takimit të Ramës /VIDEO

Protestë kundër Ramës edhe në Berlin

Siguri e shtuar për vizitën e Ramës në Vlorë

Aksidentohet urbani te Gjykata e Tiranës, disa të lënduar

Qytetari i vë thikën në qafë policit të Rrugores

E-TJERA

Ndërroi jetë pas disa muajsh në koma, ‘misteri’ i 22-vjeçares keniane të dhunuar në Tiranë

Politiko 13 Shkurt 2023, 13:01

Ndërroi jetë pas disa muajsh në koma, ‘misteri’ i

Joy Aoko, 22-vjeçarja nga Kenia, ndërroi jetë sot në një spital në vendin e saj të lindjes. Joy ndodhej prej muajit gusht të vitit 2022 në gjendje të rëndë shëndetësore.

E reja u dhunua brutalisht nga persona të paidentifikuar ende. Joy banonte në një banesë me qira në rrugën “Pandeli Evangjeli”. Në gusht të vitit 2022, 22-vjeçarja u gjet pa ndjenja në afërsi të banesës së saj.

Joy kishte marrë dëmtime të rënda në trup dhe u dërgua me urgjencë në Spitalin e Traumë sku mori mjekim. 22-vjeçarja punonte në një kazino në kryeqytet dhe në dhomë jetonte me një shoqe nga Gana.

Sipas dëshmisë të së ëmës, dhënë disa muaj më parë në televizion, bisedën e fundit me Joy-n e kishte pasur më 13 gusht. Ruth ka thënë se 5 minuta pas mesazhit të fundit, e bija nuk i ishte përgjigjur më në telefon.

“Çështja tjetër është porta, kanë një portë të madhe që duhet të qëndrojë e mbyllur nga jashtë dhe e hapur nga brenda. Nëse je jashtë, duhet të kesh çelësa. Për mua ato 5 minuta pasi ime bijë më shkroi mesazhin e fundit, mori një telefonatë nga dikush që të hapte atë portë. Ndoshta zbriti të hapte derën për dikë që nuk e njihte mirë”, tha Ruth.

Nëna e 22-vjeçares ngre dyshime se dikush e ka telefonuar te bijën të hapte portën e jashtme të pallatit dhe aty mund të jetë dhunuar.

Bazuar në ekspertizën mjeko-ligjore dëmtimet e shkaktuara në trup janë si pasojë e hedhjes nga lartësia. Dyshohet që Joy të jetë dhunuar dhe më pas të jetë hedhur nga lartësia.

Përfaqësues të ambasadës u paraqitën në fund të janarit të këtij viti, në Komisariatin Nr. 1 në Tiranë për të marrë informacion hetimet e lidhura me dhunimin e 22-vjeçares. Fill pas takimit, Joy Aoko u transferua në një spital në Kenia.

Të fundit