Flash News

Plagoset me thikë 19-vjeçari te ‘Komuna e Parisit’ në Tiranë

Investigimi/ Konçesionari shkakton masakër mjedisore në portin e Durrësit, shteti i pafuqishëm për të vepruar

Vetëqëllohet me thikë 33-vjeçari në Elbasan, humb jetën në spital

Të shtëna me armë zjarri në qendër të Kavajës, plagoset një person

Reagon kandidati i Alibeajt: Pse hoqa dorë nga gara për bashkinë e Librazhdit

E-TJERA

Në lojë Arben Ahmetaj? Alda Klosi mund të tregojë origjinën e 600 mijë eurove: E kam tmerr burgun

Politiko 6 Shkurt 2023, 10:07

Në lojë Arben Ahmetaj? Alda Klosi mund të tregojë

Ish-shefja e kabinetit të Arben Ahmetaj, Alda Klosi mund të bashkëpunojë me drejtësinë dhe të hedhë dritë mbi origjinën e rreth 600 mijë eurove që kishte në shtëpi.

E vënë në hetim për tre akuza, mes të cilave dhe ajo e “Pastrimit të produkteve të veprës penale”, Klosi ka kërkuar lirinë, duke pretenduar se izolimin në burg e kishte tmer dhe i përkeqësonte shëndetin.

Grupi i hetimit i ka kërkuar Alda Klosit të flasi dhe bashkëpunojë me organet e hetimit, duke treguar emrat e personave që i çonin në shtëpi, eurot dhe dollarët me çanta e kuti kartoni.

“…ne fillimisht hetuam për vjedhje të pronës private, shtëpisë së zyrtares së dy ministrive të rëndësishme, Alda Klosi, njëherësh dhe njeriut më të besuar të ish-ministrit, Arben Ahmetaj. Gjatë hetimit na doli që gjithçka ka qënë një inskenim, me qëllim fshehjen e një shume mjaft të madhe në euro, dollarë dhe lekë. Tashmë çështja është bërë interesante, pasi kemi dy njerës që kanë bashkëpunuar. Ndërkohë ne po bëjmë maksimumin për të bindur që të bashkëpunojë dhe Alda Klosi…”, deklaroi një hetues për “Ora News”.

Synimi i prokurorisë është të shkojë tek pronari i kësaj shume financiare dhe burimi real i krijimit të tyre, duke mos u mjaftuar vetëm në faktin e zbulimit të tre personave që kanë shërbyer për ti fshehur këto euro dhe nga ana tjetër pronari i tyre të lihet pa gjurmuar.

“…nëse Alda Klosi, do pranojë të flasi dhe tregojë të gjithë skemën e fshehjes së eurove dhe dollarëve si dhe pronarin real të tyre, atëherë për ne do ishte më e lehtë të formonin pazëllin e kësaj çështje, duke zbardhur plotësisht misterin…”, deklaroi hetuesi.

Hetuesi nuk përjashtoi mundësinë se sasia e parave mund ti përkasë dhe ish-ministrit Arben Ahmetaj, duke shtuar se në tavolinën e punës janë të hapura dhe verifikim tëg gjitha variantet.

 

Të fundit