Flash News

Gardisti dhunon protestueses gjatë takimit të Ramës /VIDEO

Protestë kundër Ramës edhe në Berlin

Siguri e shtuar për vizitën e Ramës në Vlorë

Aksidentohet urbani te Gjykata e Tiranës, disa të lënduar

Qytetari i vë thikën në qafë policit të Rrugores

E-TJERA

Eksperti: Rama po fal detin. Shkoi në Hagë pa kushte ndaj Greqisë, për të hedhur matanë ‘pataten e nxehtë’

Politiko 20 Korrik 2022, 20:56

Eksperti: Rama po fal detin. Shkoi në Hagë pa kushte ndaj

Osman Metalla, profesor në Departamentin e Shkencave Inxhinierike dhe Detarisë në Universitetin “Aleksandër Moisiu” në Durrës akuzon kryeministrin Edi Rama se po u fal detin grekëve.

Gjatë një takimi në Durrës të kreut të PD Sali Berisha me të rinjtë dhe intelektualët, Metalla tha se Rama shkoi në Hagë pa kushte ndaj Greqisë, për të hedhur matanë ‘pataten e nxehtë’.

“Ne çështjet detare i kemi hedhur pas krahëve. Detin e kemi shumëzuar me zero, detin e falim. Kush nga ne qytetarët, pas vitesh negociatash që ka bërë Edi Rama me palën greke, dinë se çfarë kanë diskutuar, dinë se çfarë kanë vendosur, dinë se ku jemi, cilat janë pretendimet e palës shqiptare për këtë pasuri? Do të shkojmë në Gjykatën e Hagës!

Por vendimet i ke marrë ti vetë dhe s’ke lënë askënd të negociojë, negociatat s’kanë përfunduar dhe thua në një moment të bukur po iki në Hagë. Por me çfarë kushtesh? Me kushtet kur ti u thua atyre zgjerimi i detit territorial nga 6-12 milje mua nuk më cenon? Kur në fakt na cenon. Kur në fakt hapësirat detare që duhet të pretendohen nga pala shqiptare, ky personalisht thotë nuk na cenojnë dhe nuk kemi interes te ajo pjesë. Nuk mund të shkohet kështu.

Të shkosh në Hagë për pasurinë kombëtare, duhet të kesh një plan, duhet të kesh pretendime të caktuara, duhet t’i shkosh Gjykatës me pyetje të përcaktuara. Cilat janë mosmarrëveshjet që ti ke me palën greke? Ti sot nuk ke paraqitur asnjë mosmarrëveshje me palën greke. Duhet t’i thuash gjykatës kam 1, 2, 3 gjëra për të diskutuar me ty. Ne shkojmë atje thjeshtë për ta zgjidhur gjykata, ky për ta hedhur pataten e nxehtë matanë, kaq është historia. Ky është trajtimi që iu bëhet pronave të shqiptarëve”, tha eksperti.

Të fundit