Pamje shqetësuese/ Dhunohet barbarisht dhe kryqëzohet e gjallë shqiponja në Përmet, policia nis hetimet

Një ngjarje e rëndë është denoncuar përmes një video nga fshati Buhal në Përmet.

Një person ka kapur një shqiponjë dhe e ka kryqëzuar për së gjalli, ndërsa këmbët i duken të gjakosura dhe të thyera.

Rasti është denoncuar nga Animal Rescue Albania teksa apelon për ndihmë pasi shpendi është ende gjallë.

Reagimi i Animal Rescue Albania:

A kemi ndonje simbol ne si komb?

A kemi nder, bese, a kemi ndonje gjen evropian, app cfare kemi?

Apo jemi thjesht nje popull barbar, injorant, shpirtlig, vrases?

E kane kapur me siguri me cark, pasi kembet i ka te thyera dhe me pas e kane kryqezuar tek hyrja e tokes se tyre.

Mendje te semura, rrace e poshter...

Kjo ka ndodhur pikerisht ne kete moment ne Permet, ne fshatin Buhal.

Shpendi eshte ende aty dhe vajza kerkon dike ta ndihmoje ta sjellim ne Tirane.

A mundet te ndihmoje dikush?

Te pakten te tregojme se nuk jemi te gjithe njesoj, por ka mes nesh edhe njerez qe meritojne te quhen te tille.

PS: policia e ka mar shpendin dhe e kane derguar prane nje veterineri. Urojme qe eutanazia te jete opsioni i fundit.

Policia raporton se ka nisur hetimet për identifikimin e shtetasit që ka plagosur dhe ka lidhur shpendin, në një portë, me qëllim balsamosjen të gjallë.

Njoftimi i policisë

Shërbimet e Komisariatit të Policisë Përmet, specialistët e Agjencisë së Zonave të Mbrojtura  dhe një veteriner, i shkojnë në ndihmë një shpendi (shqiponjë) që ishte keqtrajtuar në fshatin Buhal, rast për të cilin Policia u njoftua nga shtetasja S. L.

Vijon puna për identifikimin e shtetasit që ka plagosur dhe ka lidhur shpendin, në një portë, me qëllim balsamosjen të gjallë.

Rasti, me një impakt të lartë publik në rrjetet sociale, u vlerësua me seriozitet dhe menjëherë nga shërbimet e Policisë, të cilat vijojnë veprimet hetimore dhe procedurale për të identifikuar dhe për të nxjerrë përpara përgjegjësisë penale, autorin e këtij krimi që parashikohet dhe ndëshkohet nga neni 207/c i Kodit Penal.

Shpendi (shqiponja), aktualisht po merr ndihmë të specializuar mjekësore nga veterineri, i cili ka asistuar shërbimet e Policisë, gjatë veprimeve për lirimin e shpendit, nga porta ku ishte lidhur.

Policia e Shtetit fton qytetarët që të denoncojnë në numrin 112, çdo paligjshmëri që ata hasin. Reagimi ndaj të gjitha denoncimeve do të jetë i menjëhershëm dhe konform ligjeve.