Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

E-TJERA

Raketa ruse goditi kompleksin ku banonte, flet ambasadori i Shqipërisë në Kiev: Shpërthimi ishte shumë i fuqishëm

Politiko 24 Maj 2026, 12:46

Raketa ruse goditi kompleksin ku banonte, flet ambasadori i Shqipërisë

Ambasadori i Shqipërisë në Kiev, Ernal Filo, ka folur lidhur me sulmin masiv rus me raketa dhe dronë ndaj Ukrainës, ku u prek edhe kompleksi rezidencial ku ai banon.

Diplomati shqiptar, për News24, e ka cilësuar sulmin e fundit si një nga më të rëndët që nga nisja e luftës në vitin 2022, duke theksuar se bombardimet zgjatën për disa orë gjatë natës.

Sipas tij, një nga raketat goditi direkt kompleksin e rezidencës diplomatike në orët e para të mëngjesit, duke shkaktuar dëme materiale edhe në vendstrehimin e godinës. Ai shtoi se shërbimet e emergjencës ndërhynë menjëherë për të shuar flakët dhe për të stabilizuar situatën.

“Që nga hapja për herë të parë të Ambasadës në Ukrainë vitin e kaluar, sulmi i mbrëmshëm, që filloi rreth orës 22:00 dhe përfundoi në orën 6:30 të mëngjesit, ishte sulmi më i gjatë, më i madh për nga sasia e përdorimit të dronëve dhe raketave, nga Iskander deri tek Oreshnik, dhe më shkatërrues që nga fillimi i konfliktit në vitin 2022. Në orët e para të mëngjesit, një nga raketat e përdorura goditi edhe kompleksin e rezidencave ku banoj unë. Goditja ishte aq e fortë sa eksplozivi depërtoi edhe në vendstrehimin e godinës, përveç dëmeve në fasadë. Ishte një përjetim jo i lehtë për mua si i vetmi diplomat në godinë, por edhe për banorët e zonës përreth.

Shërbimet e emergjencës erdhën menjëherë dhe bënë shuarjen e flakëve në ambientet e vendstrehimit dhe në zonën ku ndodhi goditja. Me përfundimin e sulmit rreth orës 6:30 të mëngjesit, arrita të ngjitem dhe të shoh dëmet e shkaktuara. Godina është goditur në fasadën e jashtme, por është ende e banueshme. Autoritetet ukrainase më kanë kontaktuar dhe më kanë ofruar asistencë, nëse do të jetë e nevojshme, si dhe solidaritet të plotë. Këto sulme, që po terrorizojnë njerëz të pafajshëm në shkelje flagrante të së Drejtës Ndërkombëtare, duhet të ndalen dhe një paqe e drejtë dhe e qëndrueshme duhet të arrihet”, tha ambasadori.

Të fundit