Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

E-TJERA

Rama mbron monopolin shtetëror të IT-së ASD

Politiko 29 Maj 2026, 14:46

Rama mbron monopolin shtetëror të IT-së ASD

Kryeministri Edi Rama e quajti një ditë të zhvilluar për zhvillimin teknologjik të vendit, lançimin e kompanisë bijë të AKSHI-t, të pagëzuar me emrin Albanian Digital Solutions.

Kjo kompani do të ketë monopolin sistemeve elektronike të vendit, përfshirë ndërtimin dhe mirëmbajtjen e tyre, një proçes që deri më tani është kontraktuar nga privatët përmes AKSHI-t

“Është një ditë e shënuar në rrugën e revolucionit digjital dhe transformimit të qeverisjes përmes teknologjisë, sepse sot ne bëjmë publike një kompani të re, një shoqëri të re e cila krijohet si një domosdoshmëri në këtë fazë të re të zhvillimit të qeverisjes elektronike. AKSHI është histori suksesi që ka kaluar përmes një rruge aspak të lehtë. Krijojmë një kompani të re që do të zhvilloje sisteme pa pasur nevojë që shtetit t’i drejtohet privatit, por me ambicien që shteti të krijojë kompaninë më të suksesshme publike të krijimit dhe mirëmbajtjen e sistemeve, që të ketë kapacitetin të kthehet në hapësirë për talentet, që të ketë pagat më të larta në tregun e shërbimeve digjitale. Një kompani që të jetë garanci për institucionet e vendit që të mos ngelen peng i privatëve për mirëmbajtjen e sistemeve të tyre," u shpreh kryeministri.

Të gjitha institucionet e shtetit, që kanë nevojë për ndërtimin e sistemeve të reja dixhitale, mirëmbajtjen apo përmirësimin e atyre ekzistuese, janë të detyruara t'i drejtohen shoqërisë Albanian Digital Solution. Kjo e fundit, do të ketë një staf prej 350 vetësh dhe do të bëjë atë që deri më tani e kanë bërë privatët.

Ngritja e një monopoli të përbindshëm shtetëror, që do të ketë ekskluzivitetin e të gjithë tregut publik të teknologjisë së informacionit ka krijuar jo pak shqetësime për cënim të konkurrencës si mjeti i vetëm që garanton uljen e kostove për taksapaguesit. Ky model unik, nuk ekziston në asnjë vend tjetër, ku prokurimi i shërbimeve publike të teknologjisë së informacionit kryhet përmes garës.

Por kryeministri thotë se monopoli shtetëror do të ulë çmimet.

"Do t’i kursejmë shtetit dhe qeverisjes elektronike një shumë të barabartë me shumë n që sot shkon për mirëmbajtjen që do të kthehet në një kapacitet të ri investimesh nga ana e AKSHI përmes kompanisë së re”, tha ai.

Qeveria vendosi të krijojë kompaninë shtetërore ADS pas shpërthimit të skandalit AKSHI. Shumë e komentuan këtë si një përpjekje për të mbyllur kapakun e një pusetë korruptive dhe shuarjen e gjurmëve të krimit. Por tashmë ADS ka ngritur një shqetësim tjetër, atë të monopolizimit ekstrem të tregut, që i jep kësaj kompanie fuqi të përcaktojë kostot e infrastrukturës dixhitale publike./ Kapitali.al

Të fundit