Flash News

Nesër ndryshon ora, akrepat shkojnë 60 minuta përpara

Temperaturat shkojnë në 23 gradë, parashikimi i motit në fundjavë

Investigimi/ Tregtia e diplomave, me 150 mijë lekë bëhesh profesor

Dyshimet se lidhen me Ahmetajn, VOA: SPAK vë në sekuestro dy vila në bregdet

Serbia paralajmëron njohjen e pavarësisë së Kosovës nga Greqia

E-TJERA

Shkurtimi i rrugës “Ibrahim Rugova”, Edita Tahiri në Politiko: Erion Veliaj cënoi figurën e liderit të Pavarësisë

Politiko 7 Shkurt 2023, 08:50

Shkurtimi i rrugës “Ibrahim Rugova”, Edita Tahiri në

Kryebashkiaku i Tiranës, Erion Veliaj, vendosi të shkurtojë rrugën “Ibrahim Rugova” në Tiranë. Aksi që deri para dy ditësh mbante emërtimin e ish-presidentit të Kosovës, është ndarë në dy gjysma, ku pjesa tjetër do të emërtohet “Dëshmorët e 4 shkurtit”.

Vendimi i Veliajt ngjalli reagime në Shqipëri dhe Kosovë, ku politikanë, analistë e diplomat u shprehën kundër heqjes së emërtimit të Rugoës, teksa e quajtën vendimit e kryebashkiakut të Tiranës një turp dhe nënçmim.

Ish-kryenegociatorja në dialogun me Kosovës, Edita Tahiri, në një koment të shkurtër për Politiko, e ka cilësuar vendimin e Veliajt gabim historic që cënon figurën e Rugovës.

“Veliaj ka bërë një gabim të rëndë historik duke cënuar figurën e liderit të pavarësisë së Kosovës Dr. Rugova”, ka thënë Tahiri për Politiko.

E para që denoncoi ka qenë deputetja demokrate Jorida Tabaku, e cila përmes një postimi në Facebook shkroi se Veliaj ka bërë pjesë të luftës së klasave dhe lojës elektorale, edhe rrugën që mban emrin e Ibrahim Rrugovës.

“Fatkeqësisht, lufta e klasave rikthyer në 2023 e copëtoi këtë rrugë duke sajuar një tjetër gjysma rrugë me emërtim të një date që nuk është se personifikon apo bashkon dhe aq shqiptarët e aq më pak qytetarët e Tiranës. Se si mund të ulësh përbri rrugës Ibrahim Rugova hallin elektoral të Erion Veliaj, që do të prodhojë dëshmorë, vështirë se mund të kuptohet. Lë pastaj të përziesh historinë dhe ta retushosh”, ka shkruar Tabaku.

Edhe kryetari i Partisë Demokratike, Sali Berisha, në një reagim për gazetën Nacionale e ka quajtur vendim të marrë në përputhje me interesat e Beogradit.

"Ky është një akt turp i urrejtjes së Edi Ramës dhe Erion Veliajt ndaj presidentit Rugova dhe veprës së tij dhe Kosovës. Ky vendim njëlloj si refuzimi i tyre për vendosjen e shtatores së presidentit Rugova dhe qëndrime tjera armiqësore ndaj Kosovës janë zbatim i urdhërave të dhënë nga Beogradi për vasalët e tij në Tiranë", pohoi ai.

Të fundit