Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Maxhorancës

Shtyhet seanca për dosjen “5D”, Prokuroria kërkon kohë për shqyrtimin e kërkesave të mbrojtjes

Politiko 5 Shkurt 2025, 15:46

Shtyhet seanca për dosjen “5D”, Prokuroria kërkon

Seanca gjyqësore për dosjen “5D” është shtyrë, pasi Prokuroria ka kërkuar më shumë kohë për t’u njohur me parashtrimet dhe kërkesat e avokatëve mbrojtës. Gjykata ka caktuar si datë të re për shqyrtimin e çështjes 18 shkurtin, ora 12:00.

Të pandehurit kryesorë në këtë dosje, ish-drejtorët e Bashkisë, Redi Molla, Taulant Tushe dhe Mariglen Qato, kanë kërkuar të gjykohen me procedurë të shkurtuar. Të njëjtën kërkesë e kanë bërë edhe të pandehurit e tjerë, Enton Punavija, Julian Zanaj, Albano Janku dhe Nestor Muhamellari.

Hetimet për dosjen “5D” nisën në mars 2024, kur SPAK urdhëroi arrestimin e tre ish-drejtorëve, të cilët ndodhen në masën e sigurisë “arrest në burg”. Ndërkohë, pesë të pandehur të tjerë, mes tyre Deborah Keçi dhe Englatina Zere, janë nën masën “detyrim paraqitjeje”.

SPAK i ka komunikuar Redian Mollës dhe Mariglen Qatos akuzat për “korrupsion pasiv” dhe “mosdeklarim të pasurisë”, ndërsa Taulant Tushes akuzën për “shkelje të barazisë në tendera”. Sipas hetimeve, Qato dhe Molla janë pronarët de facto të kompanisë “5D”, e cila ka përfituar 11 tendera nga Bashkia në periudhën 2016-2022, duke operuar dhe me emrat “Igor Electric” dhe “Vas Construction”.

Të fundit