Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

E-TJERA

Skandali me Maratonën, bashkia e Tiranës nuk vendos flamurin e Kosovës

Politiko 23 Tetor 2023, 11:43

Skandali me Maratonën, bashkia e Tiranës nuk vendos flamurin e

Dje u zhvillua Maratona e Tiranës, me pjesëmarrës vendet dhe të huaj, nga të gjitha trevat shqiptare. Por, Bashkia e Tiranës ka bërë një gafë të madhe e cila lidhet me Kosovën.

Kryetarja e grupit parlamentar të LVV-së, Mimoza Kusari-Lila ka denoncuar skandalin e Veliajt i cili në listën e pjesëmarrësve nuk ka vendosur flamurin e Kosovës, madje as shkurtesën zyrtare të emërtimit, duke e zëvendësuar nga KOS me XK.

Kusari-Lila thotë se Shqipëria nuk do të duhej të ishte në listën e shteteve që cenojnë pjesëmarrësit nga Kosova. Ajo kërkon që Shqipëria të korrigjojë gabimin dhe bën thirrje që të mos përsëritet më.

Postimi:

Mirëmëngjesi Kosovë, Mirëmëngjesi Shqipëri,

Së pari uroj të gjithë vrapuesit nga mbarë trevat shqiptare dhe të gjitha vendet pjesëmarrëse për përfundimin me sukses të Tirana Marathon dje në Tiranë!

Urime edhe organizatorëve për garën e bukur dhe numrin e madh të pjesëmarrësve! Por, përderisa të gjithë pjesëmarrësve nga vendet tjera, ju njihej përkatësia shtetërore dhe shënohej flamuri shtetëror në rezultatet e garës, fatkeqësisht kjo nuk ishte rasti me vrapuesit nga Kosova.

Të gjithë pjesëmarrësit nga Republika e Kosovës në Maratonën e Tiranës ishin përfaqësues me shenjën XK (dhe jo KOS, sipas shkurtesës zyrtare të Kosovës) dhe pranë kësaj shkurtese nuk ishte flamuri ynë. Do të thotë, rezultati final i garës nuk mban as emrin dhe as flamurin e Kosovës, përkundër faktit që vit pas viti, numri i shtetasve të Kosovës është në rritje në vrapimin e Tiranës.

Të njejtin rast e kemi hasur më herët në Maqedoninë e Veriut, por gabimi ishte korigjuar dy vite më parë, pas reagimit të vrapuesve nga Kosova.

Se do vinte dita të mos njohej shkurtesa zyrtare dhe shënohej flamuri i Kosovës në Shqipëri, nuk do e mendoja. Duke qenë e vetëdijshme se gabimi përtej teknik, nuk ka asnjë prapavijë tjetër, lus organizatorët të ngrisin këtë çështje me kompaninë greke që administroi numrat e garës, dhe asnjëherë tjetër të mos përsëritet ky gabim. Gara dhe përfaqësimi shtetëror kanë satisfakcionin e veçantë për secilin garues, Shqipëria nuk do të duhej të ishte fare në listën e shteteve që cenon përfaqësimin shtetëror të garuesve nga Kosova. Gara duhet të jetë fillim e mbarim për përfaqësim të denjë dhe të barabartë për të gjithë!

Skandali me Maratonën, bashkia e Tiranës nuk vendos flamurin e

Të fundit