Flash News

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

E-TJERA

U shkarkuan nga puna, mjekët specializantë kërkojnë takim me ministrinë: Do dalim në protesta, çështjen do e çojmë në gjykatë

Politiko 28 Qershor 2021, 10:42

U shkarkuan nga puna, mjekët specializantë kërkojnë takim me

Ministria e Shëndetësisë vendosi pak ditë më parë që çdo mjek i cili është duke ndjekur studimet afatgjata në fushën e mjekësisë, duhet të ndërpresë të gjitha marrëdhëniet e punës që ka me institucione shëndetësore publike ose private.

Mjekët specializantë se kanë pritur mirë këtë vendim dhe kërkojnë takim me ministren e Shëndetësisë Ogerta Manastirliut për të shprehur problematikën që ata kanë.

Njëra prej tyre, në një prononcim për mediat shprehet se nuk ka një rregullore që thotë që mjekët, që janë ende në specializim i ndalohet të punojnë. Ajo thotë se nga ky vendim ngelen rreth 800 mjekë të papunë. Ajo tha se për studimet paguajnë 1 milionë e 300 mijë lekë të vjetra në vit dhe nuk marrin asnjë pagë.

Nëse nuk arrihet një dakordësi me institucionet, mjekët specializantë paralajmërojnë protesta si dhe hapjen e proceseve gjyqësore.

“Kemi një rregullore të specializimit, ku në asnjë pikë s’na ndalohet të punojmë paralelisht. Dokumenti ligjor që ndërpret marrëdhënien e punës, është kontrata. Në atë nuk thuhet që mjekët duhet të specializohen dhe të ndjekin studimet e të punojmë. 

Ne jemi mjekë mbi të gjitha dhe përpos pjesës që duhet të studiojmë, jemi familjarë dhe kryefamiljarë dhe puna është e rëndësishme. Mendoj se ka vend për të parë këtë shkresë dhe për tu anuluar. Duhet një takim me pjesën e ministrisë për të rënë dakord. Jemi 4 breza në specializim dhe shkresa është e njëjtë për të gjithë. Ne jemi 4 breza, rreth 200 e ca veta në brez, bien rreth 800 persona pa punë.

Ne nuk kemi asnjë kontratë me Ministrinë e Shëndetësisë. Ne bëjmë një pagesë rreth 1 milionë e 300 mijë lekë të vjetra në vit për të paguar këto studime. Ne nuk marrim asnjë lloj page. Punësimi do të thotë pagesa që ne të bëjmë këto specializime. Paguajmë seminare e kongrese. Të marrësh specializimin janë trajnime pafund, shpenzime. Këto shpenzime mbulohen nga ne. Në vlerë page në punë, mjeku i përgjithshëm merr 700 mijë lejkë të vjetra në muaj ndërsa specialistët marrin 800 mije lekë të vjetra.

Hapin e parë e nisëm në formën ligjore, hapi i dytë është do të përshkallëzojmë veprimet tona, do të protestojmë dhe mund ta çojmë në gjykatë. Unë kam mbaruar në nivelin B2 të gjermanishtes, por vjet nuk vajta dot se u mbyll ambasada gjermane për shkak të pandemisë dhe thash të investoj në vendin tim. Kështu siç e kanë nisur këta, Gjermaninë e kemi në gjysëm të rrugës.”, tha mjekja.

Kujtojmë që pas shpërthimit të pandemisë, mjekët specializantë u rekrutuan në spitalet e vendit, për të dhënë kontributin e tyre në situatën e vështirë që ndodhi. Por, pas uljeve të rasteve ditore nga COVID dhe numrit të të shtruarve në spitale, me anë të një vendimi, ministria vendosi largimin e tyre nga puna, si në sektorin privat, edhe në atë publik.

 

Të fundit