Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

OBSH kërkon rritje me 50% të çmimit të duhanit, alkoolit dhe pijeve me sheqer

Politiko 2 Korrik 2025, 20:41

OBSH kërkon rritje me 50% të çmimit të duhanit, alkoolit

Organizata Botërore e Shëndetësisë (OBSH) i ka bërë thirrje vendeve anëtare që të rrisin me 50% çmimet e produkteve si pijet e gazuara me sheqer, alkooli dhe duhani, gjatë një periudhe 10-vjeçare, përmes rritjes së taksave. Kjo është nisma më e madhe e OBSH-së deri më tani për të promovuar të ashtuquajturat “taksa të mëkatit” (sin taxes), me qëllim përmirësimin e shëndetit publik dhe mbështetjen e buxheteve shëndetësore të shteteve, shkruajnë mediat e huaja. 

Sipas OBSH-së, kjo lëvizje do të ndihmojë në uljen e konsumit të produkteve që kontribuojnë në sëmundje kronike si diabeti dhe disa lloje kanceri, ndërkohë që do të gjenerojë të ardhura shtesë në një kohë kur ndihmat ndërkombëtare po bien dhe borxhi publik po rritet.

“Taksa shëndetësore është një nga mjetet më të fuqishme që kemi në dorë. Është koha për veprim”, deklaroi Jeremy Farrar, zëvendësdrejtor i përgjithshëm i OBSH-së për promovimin e shëndetit.

Nisma, e quajtur “3 deri në 35”, u prezantua gjatë Samitit të OKB-së për Zhvillim në Sevilje. Sipas vlerësimeve të OBSH-së, kjo taksë globale mund të sjellë deri në 1 trilion dollarë të ardhura deri në vitin 2035, duke marrë si shembull praktikat e vendeve si Kolumbia dhe Afrika e Jugut.

Kjo është hera e parë që OBSH rekomandon një rritje të qëllimshme të çmimeve për të tre kategoritë e produkteve njëkohësisht, duhanin, alkoolin dhe pijet e ëmbla. OBSH gjithashtu po shqyrton mundësinë për të zgjeruar rekomandimet edhe për ushqimet shumë të përpunuara.

Në një shembull praktik, OBSH thotë se një vend me të ardhura mesatare mund të rrisë çmimin e një produkti nga 4 në 10 dollarë deri në vitin 2035, duke përfshirë edhe inflacionin. Sipas statistikave, gati 140 vende tashmë kanë rritur taksat ndaj duhanit me mbi 50% gjatë dekadës së fundit.

Të fundit