Vritet një 32-vjeçar në Durrës breshëri kallashnikovi, detajet e para

Një ngjarje e rëndë ka ndodhur pasditen e sotme në Durrës ku një 32-vjeçar raportohet se është vrarë me armë zjarri në qytetin e Durrësit në lagjen nr. 16.

Sipas të dhënave të para, viktima është 32-vjeç me inicialet J.B dhe është vrarë me breshëri kallashnikovi, madje sipas mediave mësohet se dëshmitarët okularë janë shprehur se ka pasur të shtëna të vazhdueshme.

Për shkak të shiut të madh dhe zonës periferike autorët janë larguar nëpër errësirë teksa Policia po bën krehjen e zonës.

Dëshmitarët okularë janë shoqëruar në polici dhe po hetohet mbi ngjarjen. Ende nuk ka informacione mbi të shkuarën e viktimës, ndërsa ai ndërroi jetë pasi mbërriti në Urgjencën e Spitalit Rajonal të Durrësit.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm