Flash News

Edi, jerm

Në kërkim nga Italia, kapet në Durrës trafikanti i drogës (EMRI)

Parlamenti Evropian miraton raportin për Shqipërinë

EMRI/ Gjendet i vdekur në lumin Devoll i moshuari, pistat e hetimit

Nga terreni në letër, Rama paralajmëron reformë të re për "tokat e xanuna"

KRYESORE

Fillojnë punimet në tunelin e rrugës Kardhiq-Delvinë; Rama inspekton kantierin e ndërtimit, ‘e djeg fare’ me Michael Jackson në makinë

Politiko 10 Gusht 2020, 17:34
Fillojnë punimet në tunelin e rrugës Kardhiq-Delvinë; Rama

Kryeministri Edi Rama ka marrë pjesë ditën e sotme në inspektimin e punimeve për aksin e ri Delvinë-Kardhiq. Realizimi i këtij projekti do të bëjë të mundur ndërlidhjen në një kohë më të shpejtë të Sarandës me Gjirokastrën, duke i dhënë- sipas tij- një hov të ri turizmit, ekonomisë, punësimit.

Përmes një postimi në rrjetet sociale, kryeministri Rama thekson se punimet po vijojnë me intensitet të lartë në një terren mjaft të vështirë, por përfundimi i këtij projekti do të sjelli një panoramë mahnitëse për turistët që do të kalojnë në të, si dhe do të shkurtojë ndjeshëm distancën e kryeqytetit me Sarandën.

Miegjithatë, ajo çka bie më shumë në sy nga video-ja e postuar nga kryeministri është muzika në sfond teksa po udhëton me makinë. Si duket Rama është kthyer shumë pas në kohë, ndërsa dëgjon hitin e Michael Jackson, “Beat it”.

“Nëpër kantierin e Delvinë-Kardhiqit, ku punohet pa pushim në një terren tejet të vështirë, por ku brenda vitit të ardhshëm do t'u ofrohet udhëtarëve e turistëve një rrugëtim përmes një panorame mahnitëse🌲🏔🌞”, shkruan Kryeministri krahas videos.

Kujtojmë se, në inspektimin e punimeve për tunelin që do të lidhë aksin e ri Delvinë-Kardhiq, Rama ka qenë i shoqëruar nga Ministrja e Infrastrukturës, Belinda Balluku. Duke folur mbi afatin e punimeve, Kryeministri theksoi se “është fantastike hapja e tunelit në shtatorin ose tetorin e ardhshëm”.

Ndërsa Balluku theksoi se  “në lotin 4 që bashkohet me hyrjen e tunelit të Skarficës, që është loti 7 në segmentin e rrugës Kardhiq-Delvinë, 33 km distancë, kanë ecur me 80% punimet fizike”.

Sipas Ballukut, “të gjitha lotet kanë ecuri të ndryshme. Lotet 1, 2 dhe 3 tashmë janë të përfunduara. Lotet 5 dhe 6, ashtu si dhe 4, kanë 80% ecuri fizike të punimeve, ndërkohë që ky është loti i 7, pra tuneli i Kardhiqit që ne sot pas firmosjes së kontratës do të nisim menjëherë nga puna. Kjo është pjesa hyrëse për të vazhduar më pas me hapjen e tunelit në ditët në vazhdim”, tha Balluku.

Të fundit