Flash News

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

U mbyt duke shpëtuar dy turistë në Shkodër, vijojnë kërkimet për trupin e kapitenit të anijes turistike

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

KRYESORE

Franca zgjedh Serbinë si 'partnere strategjike' në Ballkan

Politiko 12 Korrik 2019, 23:50
Franca zgjedh Serbinë si 'partnere strategjike' në Ballkan

Ambasadori i Francës në Serbi, Frederik Mondoloni deklaroi të premten në Beograd se vizita e presidentit francez, Emmanuel Macron, në Serbi, më 15 dhe 16 korrik, është shenjë e interesimit të Parisit për Serbinë si “partner i parë në rajon”.

“Kjo tregon një interes të ri të Francës për Ballkanin Perëndimor në përgjithësi, dhe dëshirën që marrëdhënies dypalëshe me Serbinë - sigurisht partnerin tonë të parë në rajon - t’i japim një shtysë të re", sqaroi ai.

Ambasadori njoftoi hapjen e një zyre rajonale të Francës në Beograd, për të ndihmuar në forcimin e lidhjeve europiane dhe për të siguruar "tranzicionin drejt zhvillimit të qëndrueshëm".

Presidenti i Francës, Emmanuel Macron pati thirrur një samit me vendet e Ballkanit Perëndimor më 1 korrik në Paris, mirëpo ai u anulua. Takimi, nën organizimin e Macronit dhe kancelares gjermane, Angela Merkel, ishte paralajmëruar gjatë një takimi të formatit të ngjashëm në Berlin, në fund të prillit.

Të dy udhëheqësit evropianë kishin provuar të bindin, Kosovën dhe Serbinë, të vazhdojnë dialogun, mirëpo palët nuk ishin tërhequr nga pozicionet e tyre.

Serbia kërkon heqjen e taksës ndaj mallrave serbe, në mënyrë që të vazhdojë dialogun, ndërkaq kryeministri i Kosovës, Ramush Haradinaj insiston në një kornizë marrëveshje për dialogun i cili, sipas tij, duhet të prodhojë njohjen e Kosovës nga ana e Serbisë.

Të fundit