Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Kosova

Dialogu Kosovë-Serbi/ Pollo: Macron e Scholz thanë diçka që Borell e Lajçak nuk arrijnë ta thonë kurrë

Politiko 28 Tetor 2023, 18:49

Dialogu Kosovë-Serbi/ Pollo: Macron e Scholz thanë diçka

Ish-zv.kryeministri, Genc Pollo komenton zhvillimet që po ndodhin në procesin e dialogut mes Kosovës dhe Serbisë.

Pollo shkruan në X se në komunikatën e lëshuar nga Scholz, Macron dhe Meloni u tha thelbi i propozimit franko-gjerman e që është “Kosova të themelojë Asociacionin, dhe Serbia të ofrojë njohjen de-facto”.

Pollo e ka konsideruar këtë si një ofertë të drejtë, derisa të krijohen kushtet për një njohje të ndërsjellë diplomatike.

“Kjo është një “quid pro quo” e drejtë. Derisa të krijohen kushtet për një njohje të plotë të ndërsjellë diplomatike. Puna është se duhej deklarata e përbashkët e liderëve të Gjermanisë dhe Francës për ta deklaruar këtë publikisht”, ka shkruar Pollo.

Pollo thotë se edhe në konkluzionet e Këshillit të BE-së pas takimeve në Bruksel përmendet vetëm Asociacioni por jo edhe njohja de-facto nga Serbia.

Sipas tij, kjo vërteton edhe më tej dyshimet për mungesë të largpamësisë dhe për paragjykime nga lehtësuesit.

“Shpresojmë se kjo mund të korrigjohet, por vetëm nëse udhëzimet e rrepta nga drejtuesit do ta drejtojnë procesin në fazën tjetër”, ka shkruar Pollo.

 

Të fundit