Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

KRYESORE

Si e propagandoi Rama rolin e prokurorit të Antimafias: E emëroi këshilltar, por nuk e dëgjoi kurrë

Politiko 22 Prill 2024, 12:11

Si e propagandoi Rama rolin e prokurorit të Antimafias: E emëroi

‘Report’ sjell në vëmendje se në klasifikimin e ‘Transparency International’, Shqipëria cilësohet si vendi më i korruptuar në Europë, një primat i trishtë i mbajtur për dhjetë vite.

Për të tentuar të rregullojë pak pozicionin e tij Edi Rama, referon ‘Report’, pak vite më parë ai ka emëruar një super këshilltar, për luftën kundër korrupsionit, gjyqtarin italian Francesco Mandoi për 20 vite figura që lidh anti mafien italiane dhe magjistraturën shqiptare të cilin ‘Report’ e interviston.

“Nuk pati zhvillime të mëdha të ndonjë konsulence. Këshilltar në letra, por nuk më dëgjuan kurrë. Nuk më telefonuan kurrë edhe pse kishte shumë punë për të bërë. Anëtarët e mafias shqiptare apo narkotrafikantët kanë përfaqësuesit e tyre brenda institucioneve dhe kanë mundësi për të kushtëzuar veprimet e qeverisë”, thotë Mandoi.

Kjo do të thotë se Rama e prezantoi Mandoin si këshilltar me të cilin nuk zhvilloi konsulenca.

Sipas Mandoit, “kontrolli nuk realizohet nga këshilli i lartë i ministrive publike, por prokurorët kontrollohen nga policë që janë nën ndikimin politik dhe jo vetëm, por ka një presion shumë të madh mbi gjyqtarët”.

I pyetur nga gazetari italian, nëse me këtë procedurë, qeveria Rama po bën një gjueti shtrigash për magjistratët e pavarur, Mandoi tha: “Sigurisht që po. Ka nisur një gjueti shtrigash kundër gjyqtarit të bezdisshëm.”

Në një intervistë për Giorgia Mattola-n, prokurori i Napolit Nicola Gratteri, thotë se mafia shqiptare është mjaft e fuqishme sepse vjen nga një shtet ku korrupsioni është i përhapur masivisht. Sipas tij, mafia shqiptare bashkëpunon me N’Dragheta-n dhe se është përhapur fuqimisht edhe në Amerikën e Jugut.

“Mafia shqiptare është e fortë sepse vjen nga shtet ku ka një korrupsion të përhapur. Kështu organizatat kriminale që vijnë nga Shqipëria janë menjëherë të pasura, të forta dhe të pushtetshme. Mafia shqiptare tashmë është strukturuar dhe ka arritur të punojë në bashkëpunim me N’Drangheta. Ka disa vite që e shohim edhe në Amerikën e Jugut dhe është e aftë që edhe në mënyrë të pavarur të sjellë në Itali dhe në Europë tonelata kokaine”, deklaron Grateri.

Të fundit