Leje legalizimi me dokumente false, shpallet në kërkim drejtori i Kadastrës, sekretari i PS dhe shef i kabinetit në Këshillin e Qarkut

Tre zyrtarë të Agjencisë Shtetërore të Kadastrës në Durrës janë proceduar për shkak se kanë pajisur me leje legalizimi duke falsifikuar dokumentet dy shtetas për një sipërfaqe 123 metra katror dhe truall 500 metra katror në zonën e plazhit.

Sipas Policisë, është ndaluar ekonomisti R.K., 27 vjeç, banues në Durrës, si dhe janë shpallur në kërkim Arben Isaku, 42 vjeç, banues në Durrës, me detyrë Zv/Drejtor pranë Kadastrës dhe F.R., 28 vjeç, banues në Durrës, me detyrë Specialist.

“Personat më lart kanë pajisur me leje legalizimi duke falsifikuar dokumentet shtetasit Xh.N., 29 vjeç, banues në Durrës dhe E.S., 39 vjeç, banues në Berat, të cilët janë shpallur në kërkim dhe po punohet për kapjen e tyre pasi Prokuroria e Rrethit Gjyqësor Durrës ka nxjerrë urdhër ndalimi për veprën penale " Vjedhja me pasoja të rënda", sqaron policia.

Arben Isaku njihet ndryshe edhe si sekretari organizativ i PS-së Durrësit, ndërsa ka mbajtur gjatë kësaj periudhe edhe detyrën e shefit të kabinetit në institucionin e Këshillit të Qarkut.

Po ashtu, në 2017-ën ka qenë drejtor i ALUIZNI-t duke i zënë vendin Flamur Gjuzit.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm