Flash News

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

U mbyt duke shpëtuar dy turistë në Shkodër, vijojnë kërkimet për trupin e kapitenit të anijes turistike

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

OP-ED

Media serbe: Ajvari ‘shqiptar’ i Dua Lipës, si projekt politik

Politiko 29 Korrik 2020, 20:42
Media serbe: Ajvari ‘shqiptar’ i Dua Lipës, si projekt politik

nga Milica Pujkilloviç/ RTS

I kujt është ajvari (salcë prej specave të kuq- shën. i përkthyesit) i Leskovacit? Këtyre ditëve po polemizohet në Britaninë e Madhe. Këtë temë e hapi këngëtarja me origjinë shiqiptare Dua Lipa. Arti u     rreshtuan në shërbim të politikës së ditës dhe kjo jo për herë të parë. Sa larg arrijnë mesazhet virtuale të tij dhe çfarë efekti prodhojnë?

Propozimi i drejtuesit të programit për të provuar specialitetin shqiptar, ajvarin, fotoja në rrjetin shoqëror Instagram të së ashtuquajturës “Shqipëri e madhe” me shënimin “autochtonus”, dhe para kësaj thirrje drejtuar kompanisë Apple që në hartë të shënohen kufijtë e Kosovës dhe të Palestinës, këto janë aktivitetet javore të këngëtares me origjinë shqiptare, Dua Lipa.

“Nëse ndokush ka 50 milionë shikime, kjo është jehonë mjaft e madhe, por për këtë duhet menduar në një mënyrë tjetër, se ky është mesazhi i saj personal ose mesazhi i ndonjë instrumenti që është krijuar apostafat për të dërguar këtë mesazh. Kur është fjala për përsona publikë, mua më pengon fakti se ne ende përpiqemi të bisedojmë, përgjigje nga ata që më së paku u takon të përgjigjen dhe tani kemi, në vend të përgjigjeve të argumentara që duhet t’i japin njerëzit e shkencës, kulturës, fatkeqësisht nga njerëz që janë të profesionit të saj dhe që përgjigjen në mënyrë jo adekuate”, mendon gazetari Vanja Buliç.

Për deklatatat e fundit e këngëtares që ka lindur në Londër, që këndon në anglisht, Muharram Bazduli mendon se publikut të saj, që i përket botës anglosaksone, edhe nuk i interesojnë shumë.

Edhe sikur të interesohen për atë se çfarë ka ndodhur në Kosovë në vitin 1999, atëbotë ata ende nuk ishin lindur.

“Ky është një lloj provokimi i cili ka kuptim vetëm nëse i përgjigjesh, dhe nëse e injoron humbet kuptimin. Në këtë logjikë e vetmja gjë që i intereson asaj është numri i reaksioneve dhe asaj i shkon për shtat që njerëzit të përplasen”, mendon Bazduli.

Nuk është pa vend të kujtojmë se Dua Lipa ka themeluar fondacionin që ndihmon të varfërit në Kosovë. Ky ka qenë edhe shkaku që asaj t’i dorëzohen simbolikisht çelësi i qytetit dhe çmimi “Qytetare nderi e Prishtinës”.

“Asgjë nga kjo nuk ka për ta ndihmuar nesër popullin e Kosovës për të marrë regjimin e heqjes së vizave. Unë mendoj se kjo është vetëm një ndjesi e klasit të dytë, çdo vend që e ndërton pamjen e tij nëpërmjet një apo dy individëve të suksesshëm vetëm sa tregon kompleksin e vlerave të ulëta. Një shkrimtar polak ka thënë se klasi i dytë i polakëve shfaqet me atë se ata vazhdimisht nënvizojnë se Shopeni dhe Koperniku kanë qenë polakë dhe thotë: përfytyroni sikur anglezët të thërrisnin- Shekspiri ka qënë anglez, italianët të bërtisnin- Dantja ka qënë italian”, shton Bazduli.

Buliçi mendon se ajo  që bën Dua Lipa është pjesë e shoubiznesit, në të cilin politika e Kosovës është përzier në mënyrë të zgjuar.

“Pra, në mënyrë që dikush të ngrihej në këtë nivel, nuk them për nga cilësitë, duhet investuar seriozisht te ai. Pra, ajo është instrument në të cilin është investuar shumë dhe ajo tani bën atë që i thonë, unë vë bast se ajo nuk di ta interpretojë atë që ka shkruar, nuk do të ishte në gjendje ta interpretonte”, nënvizon Buliçi.

Dhe këto deklarata janë interpetuar në mbarë rajonin. Në këtë kuadër ka patur edhe reaksione nga Maqedonia e Veriut. Sepse “Anonimusët” e atjeshëm kanë deklaruar se e kanë shkatërruar sajtin e këngëtares angleze.

“Ne po merremi me këtë që prej disa ditësh, janë përfshirë disa nga tanët, disa njerëz të fuqishëm jashtë Serbisë e lexojnë këtë mesazh dhe mendoj se nga kjo anë qëllimi i saj për të hapur problem është arritur. Marketingu politik duhet të gjejë tema, bashkëbisedues që janë interesantë për një rreth të gjërë të publikut sepse nëse mbetemi vetëm në fushën e politikës, ka vetëm një rreth të ngushtë njerëzish që u intereson politika, duhet gjendur ndonjëfarë mënyre që të arrihet te një grupim më i gjerë”, thotë specialisti për marketingun Borisllav Miljanoviç.

Megjithëse marketingu politik momentalisht inicon çështje me rëndësi, për realizimin e qëllimeve afatgjatë pikat mbi “i” i vendos politika reale.

*Përktheu për Politko.al: Xhelal Fejza

 

Të fundit