Flash News

Qytetarët rrëzojnë bustin e Edi Ramës

Protestuesit urojnë Ramën për ditëlindje me tortë betoni

Protesta dhe miliardat përballë njëra-tjetrës, Rama: Projekti në Zvërnec do vijojë

Lamallari kërcënon avokatin me heqje licence pas akuzave për dhunë në qeli

U arrestua gjatë protestës te Kuvendi, gruaja e Altin Hilës: Protestoi për fëmijën tonë të sëmurë

KRYESORE

Numri i policëve në Shqipëri është mbi mesataren e BE-së

Politiko 6 Gusht 2019, 16:47

Në Shqipëri ka 370 policë për çdo 100 mijë banorë që jetojnë, shifër mbi mesataren e Bashkimit Evropian. Në vendet anëtare të Bashkimit Europian ka rreth 312 policë për çdo 100 mijë banorë sipas të dhënave të publikuara nga Eurostat në fillim të këtij viti.

Në të gjithë BE-në janë rreth 1.6 milionë oficerë policie. Numri i policëve në BE është pakësuar me rreth 3.4% që prej 2009-s.

Monitor ka përllogaritur numrin e policëve për 100 mijë banorë, në mënyrë që të dhënat të jenë të krahasueshme.

Rekordin në Evropë për numrin më të lartë të policëve për 100 mijë banorë e mban Qipro, me 573 policë. Më pas renditet Malta me 505 policë, Greqia me 492 policë (100 policë më shumë se në Shqipëri), Kroacia me 490 policë, Letonia me 461 policë. Edhe Italia ka një numër mbi mesataren e Bashkimi Evropian të policëve, me rreth 453 policë për 100 mijë banorë.

Vendi me numrin më të ulët të policëve për 100 mijë banorë është Hungaria. Sipas llogaritjeve ë Eurostat, në Hungari ka rreth 90 policë për 100 mijë banorë.

Vendet e Evropës Veriore kanë një numër të ulët të oficerëve të policisë gjithashtu. Në Finlandë ka mesatarisht 137 policë për 100 mijë banorë, në Danimarkë ka rreth 186 policë, ndërsa në Suedi 203 policë.

Në vendet e tjera të zhvilluara të Bashkimi Europian, si Gjermania, ka mesatarisht 297 policë për 100 mijë banorë, ndërsa në Francë 326 policë, me shumë se mesatarja e BE-së./ Burimi: Monitor

Të fundit