Flash News

Me lule dhe pankarta, i jepet lamtumira e fundit 22-vjeçares shqiptares Ilaria Sula

KRYESORE

Peticioni për shembjen e teatrit mbushet me punonjës të administratës (Rastet flagrante)

Politiko 26 Korrik 2018, 14:02

54 persona kanë firmosur peticionin e kryebashkiakut të Tiranës, Erion Veliaj, për të shembur godinën e Teatrit Kombëtar. Vetëm 14 është numri i aktorëve dhe regjisorëve që kanë vendosur sërish firmën në këtë peticion, i cili pason atë të muajit qershor, ndërkohë që aktorë të tjerë si Viktor Zhusti, Petrit Malaj, Kastriot Çaushi, Elia Zaharia, Eva Alikaj, Pëllumb Kulla, Josif Papagjoni dhe Haxhi Rama duket se janë tërhequr, pasi nuk ndodhen në listën e dytë.

Por pjesë e peticionit janë bërë edhe punonjës të administratës dhe që nuk lidhen direkt me Teatrin Kombëtar, siç janë rastet i Besart Canit dhe Danier Shkurtit. Mjafton një kërkim i thjeshtë në ‘Facebook’ për të mësuar se këta dy persona nuk janë as aktorë dhe as regjisorë, por janë punësuar në Teatrin Metropol në sektorin e marrëdhënieve me publikun, detyrë që është provizore dhe nuk lidhet me artin.

Pjesë e listës janë edhe persona anonim për të cilët nuk gjen asnjë informacion në media, nëse janë ngjitur ndonjëherë në skenën e teatrit, apo në rastin më të mirë, nëse kanë qenë ndonjëherë aty si spektatorë.

Artistët refuzojnë peticionin e Veliajt, vetëm 14 prej tyre pranojnë të firmosin sërish për shkatërrimin e Teatrit Kombëtar

Peticioni i ‘artistëve të mëdhenj’. Prova se teksti i lajmit u përgatit nga zyra e Veliajt.  Mediat e Bashkisë dhe Qeverisë e hedhin copy/paste

Të fundit