Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Gjermania po riarmatoset, por a ka mjaftueshëm ushtarë dhe rezerva për një skenar lufte?

Politiko 7 Prill 2025, 14:00

Gjermania po riarmatoset, por a ka mjaftueshëm ushtarë dhe rezerva

Kohët e fundit, zyrtari gjerman i Mbrojtjes, Boris Pistorius i Social Demokratëve, politikani më popullor gjerman për të cilin shumë thonë se do të mbetet në këtë post dhe me kristiandemokratin Friedrich Merz si kancelar, inspektoi bazën ajrore në Büchel në shtetin Rheinland-Pfalz.

Avionet më të fundit F-35, të cilët Gjermania i bleu nga amerikani Lockheed Martin, pritet të vendosen aty nga viti 2027, me qëllim forcimin e aftësive parandaluese të aleancës së NATO-s.

“Ne duhet ta bëjmë bazën këtu të përshtatshme për F-35, ajo duhet të përmirësohet me standardet e NATO-s, ” tha Boris Pistorius, duke vazhduar: “Agresioni rus në Ukrainë dhe kërcënimi i përhershëm bërthamor i Rusisë tregojnë se sa e rëndësishme është që së bashku me mjetet konvencionale të parandalimit, të kemi gjithashtu një parandalues të besueshëm bërthamor.”

Mbrojtja, për ne nuk është vetëm skenarë teorikë në letër. Vitet e fundit duke parë rrethanat “Gjermania duhet të bëhet gati për luftë”, sepse kërcënimi rus është real, në mënyrë konvencionale dhe kryesisht jokonvencionale në Gjermani.

Siç tha ai në mënyrë karakteristike nga Büchel: “Çdo ditë e më shumë lexojmë se çfarë do të ndodhë nëse… Unë në fakt jam i shqetësuar se çfarë duhet të bëjmë. Duhet të rigrupohemi, të përmbushim detyrat tona si partner evropian i NATO-s. Besoj se roli ynë si Gjermani është një tjetër, ai i një Gjermanie më të fortë.

Nga ana tjetër, mungesa e rezervave

Megjithatë, në të njëjtën kohë dhe ndërsa debati dhe investimet për përmirësimin rrënjësor të forcave të armatosura gjermane kanë nisur prej dy vitesh, boshllëqet kronike dhe problemet strukturore nuk janë të lehta për t’u fshehur.

Bënë bujë pak ditë më parë deklaratat e kryetarit të Shoqatës së Rezervave Gjermane, Patrick Schönsburg, në faqen T-Online, sipas të cilit, për ta bërë Gjermaninë gati për luftë, nevojiten një milion rezervistë.

Në bazë të llogaritjeve, Gjermanisë i duhen rreth 350 mijë trupa për të mbrojtur integritetin e saj territorial. Kjo do të thotë se numri i rezervave duhet të trefishohet. Në një skenar hipotetik lufte në krahun lindor të NATO -s, Sensburg vlerëson se deri në 5000 ushtarë mund të vdesin çdo ditë.

Për të, problemi kryesor i forcave të armatosura gjermane nuk është aq infrastruktura dhe mjetet teknike të parandalimit, sa mungesa e personelit. Si zgjidhje të vetme ai e konsideron rikthimin e shërbimit të detyrueshëm ushtarak dhe jo një model vullnetar, sipas modelit të Suedisë, të propozuar nga Boris Pistorius. (DW)