Flash News

PS hap zyrtarisht fushatën më 12 prill

Incident në ndeshjen Egnatia -Elbasan, bie nga tribuna një tifoz

Gjendet i pajetë 27-vjeçari i zhdukur në malin e Pashtrikut, babai në gjendje të rëndë

Me lule dhe pankarta, i jepet lamtumira e fundit 22-vjeçares shqiptares Ilaria Sula

Kush është Ilia Ndoka, anëtari i bandës së ish-deputetit të PS

E-TJERA

"O shpirti mamit"/ I jepet lamtumira 22-vjeçares shqiptare që u vra nga ish-partneri në Itali

Politiko 7 Prill 2025, 15:31

"O shpirti mamit"/ I jepet lamtumira 22-vjeçares shqiptare

Në mesditën e sotme, qyteti i Ternit në Itali u zhyt në dhimbje dhe heshtje gjatë ceremonisë mortore të Ilariës Sula, vajzës 22-vjeçare me origjinë shqiptare, e cila humbi jetën në mënyrë makabre pas një akti të rëndë dhune nga ish-partneri i saj filipinas.

Arkivoli me trupin e pajetë të Ilarias mbërriti në banesën e familjes së saj më herët gjatë ditës, i shoqëruar nga të afërm dhe miq që i kanë qëndruar pranë familjes në këtë moment të tmerrshëm. Atmosfera në lagjen ku ajo ishte rritur ishte e rënduar. Të afërm, fqinj dhe qytetarë të shumtë kishin dalë për të dhënë lamtumirën e fundit dhe për të ndarë dhimbjen me familjen.

Momente të dhimbshme dhe prekëse u regjistruan para shtëpisë, ku nëna e vajzës nuk i përmbajti dot emocionet, duke thirrur me lot në sy:
“O Ilaria ime, o vdeksha mami për ty… Ku je që nuk ke dritë në sy, ku je mbyllur ti o shpirt i mamit… Të solla në shtëpi, se the do vish në shtëpi. Hapi sytë, o Ilaria.”

Tragjedia e rëndë ka tronditur jo vetëm komunitetin shqiptar në Itali, por edhe opinionin publik më gjerë, duke risjellë në vëmendje fenomenin e dhunës në marrëdhënie dhe pasojat shkatërruese që ajo lë pas.

Sipas autoriteteve italiane, pas vrasjes, autori i krimit e futi trupin e vajzës në një valixhe dhe e hodhi në një greminë në përpjekje për të zhdukur gjurmët. Ai është vënë në pranga, ndërkohë që hetimet për zbardhjen e plotë të rrethanave të ngjarjes vijojnë.

Të fundit